Tuesday, June 16, 2015

ፀሎተ ሐይማኖት !

የኢትዮጵያ ኦርቶዶክስ  ተዋህዶ ቤተክርስቲያን የሐይማኖት ጸሎት! በኒቂያ ጉባኤ በ 325 ዓ.ም. የተደነገገ፡፡

ሁሉን በሚገዛ ሰማይንና ምድርን የሚታየውንና የማይታየውን በፈጠረ በእንድ አምላክ በሚሆን በእግዚአብሔር አብ እናምናለን፡፡

      ዓለም ሳይፈጠር የአብ አንድ ልጁ በሚሆን በአንድ ጌታ በኢየሱስ ክርስቶስ እናምናለን፡፡ እርሱም ከብርሐን የተገኘ ብርሐን ከእውነተኛ አምላክ የተገኘ አምላክ የሚሆን : የተፈጠረ ያይደል የተወለደ : በመለኮቱ ከአብ ጋር አንድ የሆነ ሁሉ በእርሱ የሆነ : በሰማይና በምድር ካለው ሁሉ ያለ እርሱ ምንም የሆነ የሌለ : ስለ እኛ ስለ ሰዎች እኛንም ስለማዳን ከሰማይ ወረደ : በመንፈስ ቅዱስም ከቅድስት ድንግል ማርያም ስጋን ለበሰ: ሰውም ሆነ በጴንጤናዊው በጲላጦስ ዘመን ስለ እኛ ተሰቀለ: መከራን ተቀበለ ሞተ ተቀበረም በቅዱሳት መጻሕፍት እንደተጻፈ በሶስተኛው ቀን ከሙታን ተለይቶ ተነሳ በክብርም ወደ ሰማይ ዐረገ በአባቱም ቀኝ ተቀመጠ ዳግመኛም በሕያዋንና በሙታን ይፈርድ ዘንድ በጌትነት ይመጣል ለመንግስቱም ፍጻሜ የለውም፡፡

     ከአብና ከወልድ ጋር በአንድነት በሚሰገድለትና በሚመሰገን ጌታ ሕይወት ሰጭ በሚሆን ከአብ በሠረፀ በነቢያትም በተነገረ በመንፈስ ቅዱስ እናምናለን፡፡ በሁሉም ዘንድ በምትሆን ሐዋርያት በሰበሰቡአት በአንዲት ቅድስት ቤተክርስቲያን እናምናለን፡፡ ለኃጢአትም ስርየት : በአንዲት ጥምቀት እናምናለን፡፡ የሙታን ትንሳኤንና የሚመጣውን ዓለም ሕይወት በተስፋ እንጠባበቃለን፡፡ አሜን፡፡


     እንግዲህ የኢትዮጵያ ኦርቶድካሳዊት ቤተክርስቲያንም የተቀበለችው እውነት ይህ በመሆኑ ምዕመናን ሁሉ እንዲረዱት ፣እንዲያጠኑት ማገዝ ይጠበቅብናል፡፡ ስለ እኛ የተሰቀለውንና የሞተውን ደግሞ ከሙታን ተለይቶ የተነሳውን ጌታ ባለማመንና ባለማወቅ ሲኦል እንዳይገቡ ሁላችን የምንችለውን ሁሉ ስለ ወንጌል እናድርግ !!!

ተጨማሪ ንባብ ከፈለጉ እዚህ ይጫኑ http://tehadesothought.blogspot.com


 እግዚአብሔር በነገር ሁሉ ታማኝ አምላክ ነው ! ይህችን መዝሙር ተጋበዙ...

ጸሎተ ሐይማኖት !

የኢትዮጵያ ኦርቶዶክስ  ተዋህዶ ቤተክርስቲያን የሐይማኖት ጸሎት! በኒቂያ ጉባኤ በ 325 ዓ.ም. የተደነገገ፡፡

ሁሉን በሚገዛ ሰማይንና ምድርን የሚታየውንና የማይታየውን በፈጠረ በእንድ አምላክ በሚሆን በእግዚአብሔር አብ እናምናለን፡፡

      ዓለም ሳይፈጠር የአብ አንድ ልጁ በሚሆን በአንድ ጌታ በኢየሱስ ክርስቶስ እናምናለን፡፡ እርሱም ከብርሐን የተገኘ ብርሐን ከእውነተኛ አምላክ የተገኘ አምላክ የሚሆን : የተፈጠረ ያይደል የተወለደ : በመለኮቱ ከአብ ጋር አንድ የሆነ ሁሉ በእርሱ የሆነ : በሰማይና በምድር ካለው ሁሉ ያለ እርሱ ምንም የሆነ የሌለ : ስለ እኛ ስለ ሰዎች እኛንም ስለማዳን ከሰማይ ወረደ : በመንፈስ ቅዱስም ከቅድስት ድንግል ማርያም ስጋን ለበሰ: ሰውም ሆነ በጴንጤናዊው በጲላጦስ ዘመን ስለ እኛ ተሰቀለ: መከራን ተቀበለ ሞተ ተቀበረም በቅዱሳት መጻሕፍት እንደተጻፈ በሶስተኛው ቀን ከሙታን ተለይቶ ተነሳ በክብርም ወደ ሰማይ ዐረገ በአባቱም ቀኝ ተቀመጠ ዳግመኛም በሕያዋንና በሙታን ይፈርድ ዘንድ በጌትነት ይመጣል ለመንግስቱም ፍጻሜ የለውም፡፡

     ከአብና ከወልድ ጋር በአንድነት በሚሰገድለትና በሚመሰገን ጌታ ሕይወት ሰጭ በሚሆን ከአብ በሠረፀ በነቢያትም በተነገረ በመንፈስ ቅዱስ እናምናለን፡፡ በሁሉም ዘንድ በምትሆን ሐዋርያት በሰበሰቡአት በአንዲት ቅድስት ቤተክርስቲያን እናምናለን፡፡ ለኃጢአትም ስርየት : በአንዲት ጥምቀት እናምናለን፡፡ የሙታን ትንሳኤንና የሚመጣውን ዓለም ሕይወት በተስፋ እንጠባበቃለን፡፡ አሜን፡፡


     እንግዲህ የኢትዮጵያ ኦርቶድካሳዊት ቤተክርስቲያንም የተቀበለችው እውነት ይህ በመሆኑ ምዕመናን ሁሉ እንዲረዱት ፣እንዲያጠኑት ማገዝ ይጠበቅብናል፡፡ ስለ እኛ የተሰቀለውንና የሞተውን ደግሞ ከሙታን ተለይቶ የተነሳውን ጌታ ባለማመንና ባለማወቅ ሲኦል እንዳይገቡ ሁላችን የምንችለውን ሁሉ ስለ ወንጌል እናድርግ !!!

ተጨማሪ ንባብ ከፈለጉ እዚህ ይጫኑ http://tehadesothought.blogspot.com

     

Wednesday, June 10, 2015

ዜና ማህደር !

የጦር አዛዡን ስለ ታደገች ብላቴና !
ታሪኩ እውነተኛ እና ታላቁ መጽሐፍ ላይ ተመዝግቦ የሚገኝ ነው፡፡ ከስንት ጊዜ በፊት ሶርያውያን ከእስራኤል ጋር ባደረጉት ጦርነት ወቅት ሶረርያውያን አንድ ብላቴና ማርከው ወደ አገራቸው ወሰዱ፤ ንዕማን በተባለ የአገሩ የጦር አዛዥ ቤት እንድትሔድና ሚስቱን እንድታገለግል ትደረጋለች፡፡ በዚያም ሳለች ንዕማን ምንም የተከበረ፣ ጀግናና ጽኑ ሰው ቢሆንም ነገር ግን ለምጻም ስለነበር በጣም ታዝንለታለች ፡፡ ለእመቤትዋም '' ጌታዬ በሰማርያ ካለው  ከነብዩ ፊት ቢደርስ ኖሮ ከለምጹ በፈወሰው ነበር አለቻት፡፡'' 2ነገስት 5፡3

እመBትዋም ይህንን መልካም ወሬ እንደሰማች ለባለቤትዋ ለንዕማን ትገግረዋለች ፡፡ ቀን ተቀጥሮ ና ተዘጋጅቶም ወደዚያው ያቀናል፡፡ በእግዚአብሔር ቸርነት ለምጹ ተፈውሶ ፣ ከእግዚአብሔር ውጪም ከእንግዲህ ሌሎች አማልከቶችን ላለመከተል ቃል በመግባት ወደ አገሩ በሰላም ይመለሳል፡፡ የዘመናት ችግሩና ጥያቄውም በዚያው ቀን ተመለሰላት፡፡

ከዚህች ትንሽ ብላቴና ምን እንማራለን?
  • የምታውቀውን ፈዋሽ ነብይ አስተዋወቀች፤
  • ያለችበት ሁኔታ: ምርኮኛ መሆን፣ ብላቴና መሆን፣ ሰው ቤት መሆን...ወዘተ ያላገዳት ሴት ነች፡፡
  •  እኛስ እንዴት ነን? ለሰው ልጆች ሁሉ መድኀኒት ስለ ሆነው ስለ ኢየሱስ ክርስቶስ ላለመናገር ሰበብና ምክንያት ይኖረን ይሆን?
                                                                                                                                                                    ከጦር አዛዡስ ሕይወት ምን እንማራለን?


  • በቅድሚያ የዚህ ችገር /ለምጽ/ ተጠቂ ነኝ ብሎ ማመኑ ጥሩ ነገር ነው፡፡ ዛሬ በርካታ ሰዎች የብዙ ሱስና ሐጢያት ተጠቂ ሆነው ግን ምክንያት ና ሰበብ ያበጁለታል እንጂ ይህ ችግር አለብኝ ብለው በግልጽ አያምኑም፡፡ ስለዚህም ፈውሳቸው ይዘገያል፡
  •  ሌላው ደግሞ ምንም ትልቅ ባለስልጣን ቢሆንም ከትንሽ ልጅ ለመስማት መዘጋጀቱ እና የወሰደው አፋጣኝ እርምጃ ምሳሌ ሊሆን ይችላል፡፡ ለሰሙት እውነት ቶሎ ምላሽ የሚሰጡ ነዎት?
  •  ያደረገለትን እግዚአብሔርን አመስግኑዋል፤ ከእርሱም ውጪ ሌላ አማልክቶችን ላለመከተል ቃል ገብቶአል፡፡ሌሎች እንዳዳኑት አስመስሎ በግብዝነት አልቀረበም፡፡
ልብ ይበሉ፡ ዛሬም በፍጹም ልባችን ወደ ጌታችን ኢየሱስ ክርስቶስ ፊት ብንቀርብ በስጋችን ካለ ከየትኛውም ዓይነት  ችግር እና በነፍሳችን ደግሞ ከዘላለም ሞት ይታደገናል ፡፡

                ኢየሱስ ክርስቶስ የስጋም የነፍስም ፈውስ ነው!!!

                           Click here fore more Teachings  http://tehadesothought.blogspot.com

Monday, June 8, 2015

ነጻ የትምህርት ዕድል !

በህይወትዎ በአጭር ጊዜ ለውጥን የሚያመጣ ትምህርት የቱ ነው ?

ከትምህርቱ በሁዋላ ከእርስዎ የሚጠበቀው ነገር ምንድን ነው ?

'' እነዚህን አስተምርና ምከር ፡፡ ማንም ልዩ ትምህርት የሚያስተምር ከጌታችንም ከኢየሱስ ክርስቶስ በሆነው ጤናማ ቃልና እግዚአብሔርን ለመምሰል በሚስማማ ትምህርት የማይጠጋ  ቢሆን በትዕቢት ተነፍቶአል፡ አንዳችም አያውቅም፡፡ ''1ጢሞ. 6፡3

ከላይ እንደተጠቀሰው ፡- 1. መማር ያለብዎት ከጌታችን ከኢየሱስ ክርስቶስ የሆነ ጤናማ ቃል ሲሆን፡ ይህም ጌታችን በአካል ሲያስተምር የነበሩ ሐዋርያት ተከታትለው የዘገቡት ወንጌላትና ፡ መልዕክታትን ማንበብ ይጠበቃል፡፡ የእግዚአብሔር ሐሳብ የሰፈረው በመጽሐፍ ቅዱስ  ውስጥ ነው፡፡

                                 2. ትምህርቱን ከተረዱ በሁዋላ ማድረግ የሚጠበቅብዎት ነገር፡ እግዚአብሔርን ለመምሰል መለማመድ ነው፡፡ ይህም እግዚአብሔርን መሆን ማለት ሳይሆን እርሱ እንደሚፈልገው እንደ ቃሉ ሆኖ መገኘት ነው፡፡

   መማር የሌለብን ትምህርት ምንድን ነው?

    ከመጽሐፍ ቅዱስ ውጪ የተጻፉ ብዙ የሰው ድርሰቶችና ገድላቶች ስላሉ፡ አራስዎን ከዚያ መጠበቅ አለብዎ፡፡ሲጀመር እግዚአብሔርን ለመምሰልና ለዘላለም ህይወት ሊጠቅሙን ቀርቶ ፡ጭራሹን የሚያጎድሉንና ከእውነት የሚያስቱ ናቸው፡፡ ሲቀጥል እውነተኝነታቸው በታሪክ ያልተረጋገጠላቸው እና ለምድራዊ ህይወታችን እንኩዋ የማይበጁን ናቸው፡፡

ሐዋርያቱ  ከሰበኩልን ስለ ጌታችን ኢየሱስ  ክርስቶስ  ከሆነው ወንጌል  የሚለይ ወንጌል  የሚሰብክ ፡ የሰማይ መልዐክ እንኩዋ ቢሆን የተረገመ ይሁን፡፡ ከተቀበላችሁት የተለየውን ማንም ቢሰብክላችሁ የተረገመ ይሁን፡ ተብሎአል፡፡ ገላ.1፡8-9

 እውነተኛ  ንስሐ ይግቡ! መጽሐፍ ቅዱስዎን ያንብቡ!

ማሳሰቢያ፡- ተጨማሪ ማብራረያና ትምህርት ከፈለጉ በሚከተሉት አድራሻዎች መጠቀም ይችላሉ፡፡
                    0911472871 /0911154937/0911374255 ወይም benjabef@gmail.com
                  ተጨማሪ ትምህርቶችን ለማግኘት እዚህ ይጫኑ http://tehadesothought.blogspot.com


የመኖሪያ ቤት ምዝገባ !

‹‹ ልባችሁ አይታወክ ፤በእግዚአብሔር እመኑ፡ በእኔም ደግሞ እመኑ፡፡ በአባቴ ቤት ብዙ መኖሪያ አለ፡፡ እንዲህስ ባይሆን ባልኩዋችሁ ነበር ስፍራ አዘጋጅላችሁ ዘንድ እሄዳለሁና፡፡ ሄጄም ስፍራ ባዘጋጅላችሁ እኔ ባለሁበት እናንተ ደግሞ እንድትሆኑ ሁለተኛ እመጣለሁ፡ ወደ እኔም እወስዳችሁዋለሁ፡፡›› ዮሐ.14፡1-3

በስማችን የተመዘገበ የምድራዊ መኖሪያ ቤት ሊኖረንም ላይኖረንም ይችላል፡፡ ቢኖረንም በጣም ጥቂት ጊዜ የምንኖርበት ነው፡፡ እኛም ቢሆን ቤቱ ያልፋሉና፡፡ ትልቁ ጉዳይ በዘላለም ቤት በመንግስተ ሰማይ ቤት የሌለን እንደሆነ ነው፡፡

       ለዘላለም ቤት እንዲኖርዎ ምን ማድረግ አለብዎ?

1. የዘላለም መንገድ ፣እውነት እና ህይወት በሆነው በኢየሱስ ክርስቶስ ማመን!
   ቃሉ እርሱን ክርስቶስን ብንክደው እርሱም ይክደናል ይላል፡፡ 2 ጢሞ.2፡12

2. ከሐጢያትዎ ሁሉ በንስሐ ተመልሰው ፡ መልካም ፍሬን ማፍራት፡፡

3. በቀሪ ዘመንዎ በፍጹም ልብ ክርስቶስን ለመከተል መወሰን፡፡ ይህን ሲያደርጉ ህይወትዎ ይለወጣል፤ የዘላለም ቤትም በሰማይ ይዘጋጅልዎታል፡፡

ማስታወሻ፡-ይህንን መልዕክት ለሌሎች ሼር ያድርጉ! 
/በተጨማሪ ለማንበብ ይህንን ይጫኑ http://tehadesothought.blogspot.com  

Saturday, June 6, 2015

ክፍት የስራ ቦታ!

 እግዚአብሔር ለሰው ሁሉ የፈቀደው ስራ ምንድን ነው? መጽሐፍ ቅዱስ እንዲህ ይላል፡-

''...ይህ የእግዚአብሔር ስራ እርሱ  በላከው  እንድታምኑ ነው፡ ...፡፡ '' ዮሐ.6፡29

'' እርሱ ''-የተባለው ሁሉን የፈጠረ አምላካችን እግዚአብሔር አብ ሲሆን  '' የተላከውም '' አንድያ ልጁ ጌታችን መድኀኒታችን ኢየሱስ ክርሰቶስ ነው፡፡

የእኛ ድርሻ፡- በአባቱ ተልኮ ወደ ምድር በመምጣት፣ በቅድስት ድንግል ማርያም ማህጸን ተወልዶ፣ ተሰቅሎ ፣ ለሐጢያታችን ስርየት እንዲሆን ክቡር ደሙን አፍስሶ፣ ሞቶ፣ በሶስተኛው ቀን ተነስቶ ደግሞ በ 40ኛው ቀን ያረገውን ጌታችን ኢየሱስ ክርስቶስን ማመን ነው፡፡

 ልብ ይበሉ ለእርስዎ የተዘጋጀልዎ የእግዚአብሔር ስራ በልጁ በክርስቶስ ማመን ነው ! በእርሱም የሚያምን መጽሐፍ እንደሚል የዘላለም ህይወትን ያገኛል ዮሐ.3፡16 ፡፡ ለምድራዊ ኑሮዎ ግን ምድራዊ ስራ መስራት ሐጢያት አይደለም፡፡

ለተጨማሪ ትምህርት ይህንን ይጫኑ  http://tehadesothought.blogspot.com

ለቪዛ ፈላጊዎች !

የተለያዩ ሰዎች ኑሮአቸውን ለማሻሻልና ለማሸነፍ  በርካታ መንገዶችን ተጠቅመው ከአገር ይወጣሉ፡፡ አንዳንዱ ህጋዊነትን ተከትሎ የሚፈጸም ሲሆን፡ በተቃራኒው ህጋዊነትን ባልተከተለ መንገድ ለብዙ እንግልትና ስቃይ እየተዳረጉ አገር የሚቀይሩም ዜጎች አሉ፡፡ ይህም በዋነኝነት ሁሉም ሰው የሚፈልገውን  የቪዛ ጥያቄ እንደሚፈልገው ስለ ማይፈቀድለት እንደሆነ ይታወቃል፡፡ ቪዛ  የሚፈቀድበት የራሱ መስፈርትና አሰራር አለው፡፡

   ይህ ሲባል ግን ትክክለኛ ቪዛ ያገኙ ሰዎች የሚሄዱበት ምድር ችግር አይገጥማቸውም ማለት አይደለም፡፡ እዚሁ ዓለም እስከሆነ ድረስ የትም አገር ቢሆን የራሱ የሆነ አሉታዊ ተጽዕኖ አለው፡፡ አንደየ ቦታው ሁኔታ ግን ሊለያይ ይችላል፡፡

በእርግጠኝነት ቪዛ ሊያገኙበት የሚችሉበት፣ በሚሄዱበት አገርም ምንም አይነት ችግር የማይገጥሞዎት አንድ አገር ብቻ ነው፡፡ይህን ዕድል ለመጠቀም ከፈለጉ በጥንቃቄ ቀጣዩን መስፈርቶች ይከታተሉ፡፡

መጽሐፍ ሲናገር  ''...ቅድስቲቱ ከተማ አዲሲቱ ኢየሩሳሌም ለባልዋ እንደተሸለመች ሙሽራ ተዘጋጅታ ከሰማይ ከእግዚአብሔር ዘንድ ስትወርድ አየሁ፤....ሞት ከእንግዲህ አይሆንም ፡ኀዘንም ወይም ጩኸት ወይም ስቃይ ከእንግዲህ ወዲህ አይሆንም፡፡'' ራዕይ 21፡1-4፡፡ በዚህ አዲስ አገር ውስጥ ምንም ችግርና ሰቆቃ የሌለ ሲሆን ደስ በሚል ብርሐን ውስጥ ሰላምና ዕረፍት አግኝቶ ከዘላለም እሰከ ዘላለም ድረስ መኖር ያስችላል፡፡

ቪዛውን ታዲያ እንዴት ማግኘት ይቻላል?

የዮሐንስ ወንጌል ምዕራፍ 3 ቁ.16-21 ያንብቡ፡፡ በጌታችንና በመድኀኒታችን በኢየሱስ ክርስቶስ ይመኑ! እርሱም ስለ እኛ ሐጢያት የተሰቀለ፣ የሞተ፣ በሶስተኛውም ቀን የተነሳ ነው፡፡ ልክ  ስለ  እርሶ የሞተውንና  የተነሳውን  ክርስቶስን  አምነው  ንስሐ  ሲገቡ ፡ ስምዎ  በህይወት  መጽሐፍ  ላይ ይጻፋል፤  የመንግሰተ  ሰማይ  መግቢያ  ቪዛውን ም ይቀበላሉ፡፡

       ለጥንቃቄ
  • ይጠንቀቁ! ቪዛውን እኛ እንሰጣለን የሚሉ ክርስቶስ የማያውቃቸው ና ህጋዊውን መንገድ የማይከተሉ በርካታ ሐይማኖታዊ ድርጅቶችና አገልጋዮች አሉ፡፡ መንገዱ አንድ ብቻ ነው እርሱም ክርስቶስ ነው፡፡ ዮሐ 14 ቁ.6፡
  •  ንስሐ ገብተውና ተዘጋጅተው ፣ በማመን ያገኙትን የመዳን ቪዛ ይዘው ጌታ እስኪገለጥ ድረስ በእምነት ጸንተው ይጠብቁ!
  •  ቃሉን /መጽሐፍ ቅዱስን/ ያንብቡ ፣ በየዕለቱም ይጸልዩ!
                      Click here  For more Teachings http://tehadesothought.blogspot.com