Tuesday, November 27, 2018

ወንጌል ያልደረሰው የኢትዮጵያ ክልል!

ወንጌል ያልደረሰው የኢትዮጵያ ክልል!
♦♦♦♦♦♦♦♦♦♦♦
ከአርባ ጊዜ በላይ ስሟ በመጽሐፍ ቅዱስ ላይ የተጠቀሰች፣ የሦስት ሺህ ዓመት ታሪክ እንዳላት የሚወራላት አገራችን ኢትዮጵያ ፤ ወንጌልን በተመለከት ምን ደረጃ ላይ እንዳለች የሚከተለው ዘገባ ያሳያል:-
የውጭ ዜግነት ያላቸው(አሜሪካኖች፣ አረቦች፣ ሱዳኖች፣የመኖች፣ አርመኖች፣ ብሪቲሾች፣ ቻይናውያን፣ ፍሬንቾች፣ ግሪኮች፣ ጣልያኖች፣ አይሁዶች፣ ፓኪስታናውያን፣ ራሺያውያን የሱማሌ) ነዋሪዎችን ጨምሮ፡-      
    ♥113 ብሔር ብሔረሰቦች መኖሪያ.
    ጠቅላላ የሕዝብ ብዛቷ በአሁን ሰዓት 108 ሚሊዮን ይጠጋል ፤ 
    ♥ካቶሊክ፣ኦርቶዶክስ እና ወንጌላውያንን ጨምሮ 59.7% ክርስትና ሃይማኖት አለ፤
    ♥የወንጌል አማኞች ቁጥር 17.03% ደርሷል
    ♥22 ሚሊዮን 33ሺህ ህዝብ ገደማ በወንጌል ያልተደረሰ ህዝብ አላት።/ 20.5% ማለት ነው/
     ♥ወደ 35 ያህል ብሔር ብሔረሰቦች የወንጌል መልዕክት አልደረሳቸውም፤ ይህም በመቶኛ ሲሰላ 31.0 % ይሆናል። ከእነዚህ መካከል በተለይ የእኛ ጸሎትና እገዛ የሚያስፈልጋቸውን ቀጥዬ እዘረዝራለሁ፤ አማኞች ሁላችን በየጸሎት ህብረቱ ላይ፣ በቤተሰብ ጸሎት ጊዜ፣ በቤት ህብረቶች ላይ በግልና በጉባኤ እንድትጸልዩላቸው በጌታ ፍቅር አሳስባለሁ!!!
1.የአፋር ህዝብ = 1,914,000 ብዛት
2.ለአርጎባ ህዝብ= 211,000     >>
3.ለቤንሻንጉል ህዝብ= 313,000
4.ለዳሳናች ብሔር= 72,000
5.ለአላባ ብሔረሰብ = 349,000
6.ለሐመር ህዝብ = 110,000
7.ለአደሬዎች = 48,000
8.ለቀበና ብሔረሰብ = 79,000
9.ለመስቃን ብሔረሰብ = 217,000
10.ለሐረርጌ ኦሮሞ ህዝብ= 5,938,000
11.ለጅማ ህዝብ = 3,350,000
12.ለከረዩ ሕዝብ = 315,000
13.ለወሎ ህዝብ = 345,000
14.ለየጁ ብሔረሰብ = 108,000
15.ለስልጤ ህዝብ = 1,402,000
16.ለሱማሌ ህዝብ= 6,877,000
17.ለሱርማ ብሔረሰብ= 42,000
18.ለጸማይ ማህበረሰብ= 30,000
19.ለቱርካናዎች = 42,000
20.ለዎላን ብሔረሰብ= 130,000 ያህል ናቸው።
ጥናቶች እንደሚያሳዩት ወንጌላውያን አማኞች በኢትዮጵያ ውስጥ በየ ዓመቱ የ4.3% ዕድገት ቢያሳዩም ወንጌል በቋንቋው ካልደረሰው በሚሊዮን የሚቆጠር ህዝብ ጋር ሲነጻጸር ገና ብዙ እንደሚቀረን ያሳያል፤

  ፨ ሁላችን የክርስቶስ ኢየሱስ ምስክሮች እንሁን! በጸሎት፣ በገንዘብና በተለያየ መልክ ወንጌል እንዲሮጥ የበኩላችንን እናድርግ! በእውነት ዋጋችን በሰማይ ታላቅ ይሆናል! ይቀጥላል.....
(ምንጭ:- joshua project .net)

<< LET US BE WITNESSES FOR CHRIST! >>

Sunday, November 18, 2018

ኢየሱስ የእግዚአብሔር አንድያ- ልጅ ነውን?


ኢየሱስ የእግዚአብሔር አንድያ- ልጅ ነውን?



የክርስትና እምነት ዋነኛ መሰረቱ በኢየሱስ ክርስቶስ አዳኝነት ማመንና  ስለ ኢየሱስ ክርስቶስ ማንነት ጠንቅቆ ማወቅ ነው፡: ስለክርስትና እምነት የሚነሱ የስህተት ትምህርቶች በአብዛኛው የሚመነጩት፣ በክርስቶስ ማንንት ላይ ተመርኩዘው በመሆኑ ስለክርስቶስ ማወቃችን የምንሰማቸው መልእክቶች ሁሉ እንዳያስቱን የበለጠ እንድንጠነቀቅ ያደርገናል፡፡ አንዳንድ የስህተት እምነቶች የተመሠረቱት ‹‹ኢየሱስ የእግዚአብሔር ልጅ አይደለም ፣አምላክ አይደለም ፣ ፍጡር ነው›› በሚሉ አደገኛ የሆኑ አስተምህሮ ላይ ተመrekuzew ሲሆን፤ ሌሎችም በኢየሱስ  አምላክነትና ጌትነት ቢያምኑም፣ ቅሉ ‹‹ክርስቶስ አልሞተም›› ወይም ደግሞ ‹‹አልተነሳም›› በሚል ኑፋቄ ይደመድማሉ፡፡ በሌሎች የክርስትና ጉዳዮች ላይ ተመርኩዞ የተፈለሰፈ ስህተት የለም ማለት አይደለም፡፡ ይሁንና አንዳንዱ ስህተት ድነትን የማይከለክል ሊሆን ይችላል፡፡ የክርስቶስ ማንነት ላይ ተመርኩዞ የሚነሳ ስህተት ግን ድነትን እንኳ እስከማሳጣት ሊያደርስ ይችላልና መጠንቀቁ ጥሩ ነው፡፡ ሐሳውያኑ ስለ ክርስቶስ ማንነት ወይም ለድነታችን ስለ ተፈጸመው ነገር ጥቂት እውነታ ያለው ነገር ቢኖራቸውም የክርስትና ዋና ስለሆነው ኢየሱስ ክርስቶስ ግን  መሠረታዊ ነገር አጉድለው ነው የሚያስተምሩት፡፡  ብዙ ስህተቶች ከክርስትና ውጪ ሆነው፣ በስም ተሰይመው ስለሚኖሩ እነርሱን ለይቶ ማወቅ ብዙ ጊዜ አያስቸግር ይሆናል፡፡ ለምሳሌ የዮሕዋ ምስክሮች፣ ሞርሞኖች…ወዘተ ግልጽ ስህተት አንግበው የሚጓዙ እምነቶች ናቸው፡፡ የራሳችን በሆኑና በማንጠራጠራቸው ወንድሞች የሚነሱ ስህተቶች ግን ይልቁን አደገኛ ናቸው፡፡ እንደኛው የሚዘምሩ ፣እንደኛው ልሳን የሚናገሩ፣ ተመሳሳይ መጽሐፍ ቅዱስ እየተጠቀሙ ግን በተለየ አተረጓጎም፣ በተለየ አስተምህሮ የተገለጡ ናቸው፡፡ ስለዚህ ነው እንግዲህ ነገሩን የበለጠ አሳሳቢ የሚያደርገው፡፡  



  በዚህ ርዕስ ላይ እንድጽፍ ምክንያት የሆነኝ ሰሞኑን በአንድ ማኅበራዊ ገፅ (ሶሻል ሚዲያ) ላይ የተመለከትኩት መልዕክት  ነው፡፡   በማህበራዊው መገናኛ ፊት ለፊት ገጽ ላይ ‘’No more  Begotten Son” በሚል ርእስ ጽሐፍ ተጽፏል፡፡ ወደ አማርኛ ስንመልሰው ‹‹አንድያ ልጅ የሚባል ነገር ከእንግዲህ የለም›› የሚለውን አቻ ትርገም ይይዛል፡፡   ለመሆኑ ወዴት ወዴት እየሔድን ነው? ሀይ ባይ የለም? ይህንን መልእክት አንብቤ ዝም ከምል ወይም ሌላ ሰው ምልሽ እንዲሰጥ ከምጠብቅ እኔም ሐላፊነቱ ስለተሰማኝ የድርሻየን ምላሽ ለመጻፍ ተገደድኩኝ: ይህ አጭር ጽሑፍ፣ በተመሳሳይ የስህተት መንገድ  ላይ ያለውን ብዥታ ለማጥራት፣ በጣም ርቀው የሔዱትንና ርቀው ለመሄድ ዝግጅት ላይ ያሉትን ለመመለስ ይጠቅማል ብዬ አስባለሁ፡፡

ኢየሱስ የምድር አገልግሎቱን ጨርሶ ወደመስቀል ሞት ከመሔዱ በፊት ለደቀ መዛሙርቱ ሲጸልይ ‹‹እውነተኛ አምላክ የሆንክ አንተን የላከኸውንም ኢየሱስ ክርስቶስን ያውቁ ዘንድ ይህች የዘላለም ሕይወት ናት፡፡›› (ዮሐ.17፡ 3) ነበር ያለው፡፡ ስለዚህም ስለክርስቶስ ማንነት ማወቅ እና ከስህተት መጠበቅ የእውቀት ጉዳይ ብቻ ሳይሆን ለዘላለም ሕይወት መብቃት ወይም መጉደል ያለበት ወሳኝ አቋም ነው፡፡

ስለ ክርስቶስ ማንነት ማወቅ ወይም ራሱን ክርስቶስን ማወቅ ከዕውቀት የዘለለ ትርጉም አለው፤ የዘላለም ሕይወትም ጭምር ነው፡፡ ለዚህም ነው ጌታ  ደቀ መዛሙርቱን ‹‹የሰውን ልጅ ማን ይሉታል?›› ብሎ  ጥያቄ የጠየቃቸው፡፡ በጊዜው የነበሩት የሕብረተሰብ ክፍሎች   ስለክርስቶስ የነበራቸው መረዳት ሙሉ ስላልነበረ፣ ደቀመዛሙርቱም  ‹‹ኤርሜያስ ፣ኤልያስ፣ ከነብያት አንዱ››፤ የሚል መልስ ነበር የሰጡት ፡፡ ጌታም ደቀመዛሙርቱን ‹‹እናንተስ እኔ ማን እንደሆንኩ ትላላችሁ?›› ብሎ ጠየቃቸው፡፡ ጴጥሮስ ሲመልስ ‹‹ አንተ ክርስቶስ የሕያው የእግዚአብሔር ልጅ ነህ›› አለ፡፡››  ክርስቶስ የሚለው የግሪኩ ስሙ ትርጉም  በዕብራይስጥ መሲህ ማለት ሲሆን ትርጉሙም   ‹‹የተቀባ›› የሚለውን በእግዚአብሔር የተመረጠና የተላከ መሆኑን ያመለክታል ፡፡ ኢየሱስ በጴጥሮስ መልስ ከመደነቅ ይልቅ ይህንን ታላቅ እውነት የገለጠለት ላይ ነው ያተኮረው፡፡ ‹‹አባቴ እንጂ ስጋና ደም አልገለጠልህምና ብጹህ ነህ››  አለው፡፡ (ማቴ.16 ቁ.24)፡፡ ይህ ማለት የክርስቶስን ማንነት ሰው በራሱ ዕውቀት ሊደርስበት አንደማይችል ያሳያል፡፡ እግዚአብሔር ግን ስለ ራሱ ልጅ መሰከረ፡፡ እግዚአብሔር አብ እንዲህ ያለ ተመሳሳይ ምስክርነቶች በተለያየ ቦታ ስለ ልጁ መስክሯል፡፡ ለምሳሌ መጥምቁ ዮሐንስ በዮርዳኖስ ወንዝ ውስጥ ኢየሱስን ባጠመቀው ወቅት ‹‹የምወደው ልጄ ይህ ነው›› ብሎ መስክሯል፡፡ ከዚህ ጋር ተመሳሳይ በመሆነ መልኩ፣  ከሦስት ዓመታት በኋላም በደብረዘይት ተራራ ከገናናው ክብሩ ድምጽ ወጥቶ ‹‹የምወደው ልጄ እርሱ ነውና እርሱን ስሙት›› እንዳለ ሐዋርያቱ መስክረዋል፡፡(ማቴ.17፡1-8 እና 2ጴጥ.1፡17)፡፡

 ክርስቶስ የእግዚአብሔር አንድያ ልጅ /Begotten-Son/

ኢየሱስ ክርስቶስ የእግዚአብሔር አንድያ ልጅ ነው ስንል ምን ማለታችን ነው? ‹አንድያ-ልጅ› የሚለው ቃል በእንግሊዝኛ ‹‹Only-Begotten›› በግሪኩ ደግሞ ‹‹monogeneis›› የሚባል ትርጉም አለው፡፡ ቃሉ ግን  ዳግመኛ ለተወለዱ አማኞች ሁሉ የእግዚአብሔር ልጆች ናቸው ተብሎ የተገለጸው ዓይነት ተመሳሳይ ትርጉም የያዘ ሳይሆን  የእግዚአብሔር የባህሪ ልጁ አንድ ብቻ በመሆኑ  የተለየ ማንነት ላለው የሚሰየም የተለየ መግለጫ ነው፡፡ ለምሳሌ ዮሐ.1፡14 ፣ 4፡18 ፣ 3፡16 እና 18 it would litrally mean the <only generated one.> This is the key Expression for the doctrine of <the eternal generation of the Son,> ማለትም እርሱ ክርስቶስ ሰው ሆኖ ሳይወለድ በፊትም የእግዚአብሔር አንድያ ልጅ እንደነበረ የሚያሳይ ትርጉም ነው፡፡ ቃሉ በፍጹም ሰው ሆኖ ሲወለድ ወይም ሲጠመቅ ስላገኘው የእግዚአብሔር ልጅነት የሚያሳይ አይደለም( አንዳንዶች ክርስቶስ የእግዚአብሔር ልጅ የሆነው በተጠመቀ ጊዜ ነው ስለሚሉ ነው፡፡) ይልቁንም ክርስቶስ ከዘላለም ዘመናትም በፊትም የእግዚአብሔር አንድያ ልጅ እንደሆነ ያሳያል፡፡ <beget> የሚለው ቃል <make> እና <create> ከሚባሉ ቃላት ትርጉሞች በተለየ የሚታይ ነው፡፡ ምክንያቱም ሁለቱ ቃላት ባህርይን ስለማካፈል የሚጠቀሱ አይደሉም you can only beget a child has the same nature as you have-a son or a daughter .There is nothing else you can beget (unless you were speaking very figuratively). ወንድ ልጅ ወይም ሴት ልጅ ከወላጆቻቸው ስለሚወርሱት ዘረ-መል‹Gene› ስናስብ አጠቃላ ሂደቱን <create> or <make> የሚል ቃል ልንጠቀም እንችላለን፡፡ But when you use <beget> it only means you produce a child that has your nature. ክርስቶስ የእግዚአብሔር ልጅ ነው ስንል ሙሉ ለሙሉ የመለኮትን ባህሪ ከአባቱ ተካፍሏል! ስለሆነም ኢየሱስ የእግዚአብሔር አንድያ ልጅ ስለሆነ መለኮት ነው፡፡ ዘለዓለማዊ አምላክ ነው፡፡ ሊቃውንቱ ‹የተፈጠረ ያይደል የተወለደ› Jesus was ‹begotten› not ‹made› የሚሉት ስለዚህ ነው፡፡ ከአብ ጋር አንድ ነው፡፡ (ዮሐ.10፡30).

አማኞችም የእግዚአብሔር ልጆች ተብለን ተጠርተናል፡፡ ይሁንና የእግዚአብሔር አንድያ ልጅ ግን አይደለንም፡፡ Jesus is the <Only-Begotten Son> but we are the <children of God.> ልጅነታችንንም ያገኘነው በአንድ ልጁ በኢየሱስ ክርስቶስ ባመንን ጊዜ በጸጋው የተሰጠን ችሮታ ነው፡፡(ዮሐ.1፡12-13)፡፡ በእርግጥ ከመለኮታዊ ብህሪውም ተካፍለናል ይህም በጸጋው ነው፡፡ ይህ ማለት ግን የስላሴ አካል ልንሆን፣ ምንም የማይሳነን አምላክና ፈጣሪ ተደርገናል ማለት አይደለም፡፡‹‹ ወይም ሰማዩን አርሱ ይዞ ምድር ደግሞ ያለ እኛ ፍቃድ አንድዬ ቢሆን ፍቃድ ካላገኘ መስራት አይችልም ብለው ለእግዚአብሔር ፍቃድ ሊሰጡና ሊነሱ እየፎከሩ እንዳሉ ምስኪኖችም አይደለም፡፡›› The Attributes of God ተብለው ከሚታወቁት እግዚአብሔርን ልዩ የሚያደርጉት ባህርያት He is Omniscience /ሁሉን ነገር ማወቁ/,He is Omnipresent /በሁሉም ስፍራ በአንድ ጊዜ መገኘቱ/,He is Omnipotent/ ሁሉን መቻሉ/ God. ብታስቡትስ ከቶ ሰው ይህን መሆን ይችላልን? ይህንንስ ባህሪ ከመለኮት ተካፍያለው ብሎ መናገር የሚችል ሰው አለን? ትዕቢትና ድፍረት ካልሆነ በቀር መጽሐፍ ቅዱስ ይህን አያስተምርም፡፡ እግዚአብሔር ጋር የሚገኙ የፍቅር፣የርህራሔ፣የሰላም ፣የቸርነት …ወዘተ ተቋዳሾች ግን ሆነናል፡፡ የእርሱ የጸጋው ልጆች ከተደረግን ቀን ጀምሮ ውስጣችን፣አስተሳሰባችን ተቀይሯል፡፡ ያለ ባህሪያችን ጸድቅ መባሉስ! ቅዱስ መባሉስ…ከቅድስናው በመካፈላችንም አይደል? ሌሎችን ታረቁ ማለት፣ መታገስ ፣ርህራሄ ከመለኮት ወርሰናል፡፡ብህሪውን በክርስቶስ ያካፈለን ዘላለማዊ አባታችን፣ፈጣሪያችን፣ ጌታችን ሆኖ ለዘላለም ይኖራል፡፡ እኛም እርሱን እናመልካለን ፣ እንገዛለታለን፣ እንሰግድለታለንም፡፡ ልጆች ስለተደረግን ስግደት አንተውም! አምልኮ አንተውም! እኛ ፍጡር ነን! እርሱ ፈጣሪያችን ነው፡፡ እርሱ መለኮት ነው እኛ ሰዎች ነን! ከዚህ በላይ አልፎ መንጠራራት ምንጩ ሌላ ነው! ምናልባትም ከአሳቹ ከዲያቢሎስ ነው እርሱ ቀድሞ ሕይዋንን ከዚህ ፍሬ እንዳትበሉ እግዚአብሔር የከለከላችሁ እንደ እርሱ መልካምንና ክፉን የምታውቁ እንዳትሆኑ ፈልጎ ነው ብሎ በተንኮል እንዳሳታት ተጽፏል፤ ስለዚህም እግዚአብሔር በምጸታዊ ‹‹ አዳም መልካምንና ክፉን ለማወቅ ከእኛ እንደ አንዱ ሆነ›› ብሎ ተናግሯል፡፡( ዘፍ.3፡5፣ ቁ.22)፡ ከተጻፈው ባንልፍ መልካም ነው!

መጽሐፍ ቅዱሳዊ ማስረጃዎች ስለ ዘለዓለማዊ ልጅነቱ

 ከላይ እንደተብራራው ኢየሱስ በመለኮትነቱ የእግዚአብሔር ልጅ ነው፡፡ በሰውነቱም ደግሞ በጸጋው ልጅነትን ለተቀበልን አማኞች በኩር በመሆን ልጅ ተብሎ ተጠርቷል፡፡ በሁለቱም ባሕርይው የእግዚአብሔር ልጅ እንደሆነ በመጽሐፍ ቅዱስ ውስጥ በርካታ ቦታ ተጠቅሷል፡፡

ለምሳሌ ዮሐ.5፡20 የእግዚአብሔር ልጅ በስጋ መጣ ይላል እንጂ የእግዚአብሔር ልጅ ሆነ አይልም፡፡ የዕብራውያን መጽሐፍ ጸሐፊም ይህንኑ ሲያረጋግጥ በመጨረሻ ‹ዓለማትን በፈጠረበት በልጁ ለእኛ ተናገረን፡፡› (ዕብ.1፡1-3)፡፡ ልጅነቱ ዓለማት በተፈጠሩበት ጊዜም እንደነበረ ያሳያል፡፡ ምናልባት የምሳሌ ምዕራፍ 8 አሳብና ቆላ.1፡15-18 ስለ ክርስቶስ የተነገረና አስቀድሞ ከአብ በመወለድ ፍጥረታትን ሁሉ ከአባቱ ጋር ሆኖ የፈጠረ መሆኑን ብዙዎች ይስማማሉ፡፡

ወልድ ቅድመ ዓለም የአብ ልጅ ነው፡፡ በሰው ስርዓትና አስተሳሰብ እንዴት ወለደው? መቼ ወለደው? ለሚለው መልስ ልናገኝ አንችልም፡፡ በዚህች ትንሽ አዕምሮ የሚገባን ነገርም አይመስለኝም፡፡ የምሳሌና የቆላስያሱ ጥቅሶች ግን ምንም ነገር ከመፈጠሩ በፊት እንደተወለደ እና ዓለማትን በሙሉ በእርሱ እንደፈጠረ ፍንጭ ይሰጣል፡፡(ምሳ.8፡25)፡፡ የዮሐንስ ወንጌል ም.1፡1-3 ደግሞ ‹ቃል› (ወልድ) በእግዚአብሔር ዘንድ እንደነበረ፤ ቃልም እግዚአብሔር እነደነበረ ይገልጻል፡፡›› ስለዚህ ሳይወለድ እግዚአብሔር ዘንድ የነበረ ወይም እግዚአብሔር ውስጥ የነበረ ነው፡፡ እግዚአብሔር የማታይ አምላክ ስለሆነ‹ መንፈስ ስለሆነ ‹ዓለም ሳይፈጠር በፊት እኔ ተወለድሁ› የሚለውን ቃል ይዘን እንዴት አድርጎ ወለደው; ብለን መጠየቅ የለብንም፡፡ሰማያዊ ፣መለኮታዊ ድርጊት ነው፡፡ ዋናው ነገር ወልድ ከአብ እኩል የነበረ‹ያለ እና የሚኖር አልፋና ኦሜጋ ነው /ራዕ.22፡13/ የሚለውን እውነት መረዳት ብቻ ያስፈልጋል፡፡ ቅድመ ዓለም ከአብ የተወለደ እንጂ የተፈጠረ አይደለምና፡፡ ጳውሎስ ለፊሊስዩስ አማኞች እንደጻፈው ክርስቶስ በእግዚአብሔር መልክ ይኖር ነበር፡፡(ፊሊ.2፡7)፡፡

አይሁድ ኢየሱስን ሊገድሉት ከሚፈልጉበት ምክንያት ዋናው ደፍሮ ‹እግዚአብሔር አባቴ ነው! ››(ዮሐ.5፡18) ስላለ ነበር፡፡ እንደሚታወቀው ኤሁድ እራሳቸው ራሳቸውን የእግዚአብሐሔር ልጅ አድርገው የመቁጠር ልማድ እንዳላቸው በመጽሐፍ ቅዱስ ውስጥ ተጠቅሷል፡፡ በዮሐ.8 ቁ.41 ላይ ‹‹..አንድ አባት አለን እርሱም እግዚአብሄር ነው››ብለው ተናግረዋል፡፡ ክርስቶስ የእግዚአብሔር ልጅ ነኝ ሲል ግን ይቆጡ ነበረ፡፡ ለምነ; ምክንያቱም እርሱ የእግዚአብሔር ልጅ ነኝ ሚልበት መንፈስ ገብቷቸዋል፡፡ ልጅ ነኝ ሲል መለኮት ነኝ! ፣ ፈጣሪ ነኝ! ከሁሉም በፊት ነበርኩ ራሴ እግዚአብሔር ነኝ ማለቱ ነበረ፡፡ የክርስቶስ የመከራው ሳምንት ተብሎ በሚታወቀውም ጊዜ አካባቢ ሊቀ ካህኑ ‹‹የብሩክ ልጅ ክርስቶስ አንተ ነህን?›› ብሎ ሲጠይቀው አዎ እኔ ነኝ ብሎ መልስ ሰጥቷል፡፡/ማር.14፡61/በዚያን ጊዜም ምክንያት እየፈለጉ ለነበሩ አይሁዶች እንደ አንድ ትልቅ የምስክርነት ግብዐት እንዲሆናቸው ተጠቅመውበታል፡፡ አይሁዶች በብሉይ ኪዳንም ቢሆን እግዚአብሄር አባታችን ነው ብሎ የመጥራት ችግር አልነበረባቸውም (ዘፀ.4፡22-23)፡፡ በተጨማሪ ክርስቶስ በመስቀል ላይ በሞተበት ሰዐት ከስድስት ሰዐት ጀምሮ እስከ ዘጠኝ ሰአት ድረስ በምድር ላይ ጨልሞ ነበር፡፡ ወዲያውም የመቶ አለቃው ስለ ክርስቶስ ‹‹በእውነትም የእግዚአብሔር ልጅ ነበር ››(ማር.15፡39) ብሎ መስክሯል፡፡



   እግዚእብሔር አንድያ ልጁን ነው የላከልን፡፡ ልጁ አንድ ብቻ እንደሆነ ሲገልጥ ‹አንድ ልጅ በአባቱ ዘንድ እንዳለው …ክብሩን አየን› (ዮሐ.1 ቁ.14)፡፡ ቃሉ ‹‹ለገዛ ልጁ ያልራራለት ነገር ግን ስለሁላችን አሳልፎ የሰጠው (ሮሜ.8፡32) የሚለው ቀድሞውንም ልጁን እንጂ የላከልን ለዚህ ዓላማ ሲል ቆይቶ ልጅ የተደረገ  አይደለም- የሞተልን፡፡ ይህንን በሌላ በብዙ ማስረጃ ማስረዳት ይቻላል፡፡ ለምሳሌ እግዚአብሔር ወደ ዓለም ብዙ ባርያዎቹን(አገልጋዮቹን) ልኮ ሁሉንም ስለገደሏቸው በመጨረሻ ልጄንስ ያፍሩታል ብሎ /ልጄ የሚለው አንድ ልጁ ክርስቶስን ነው/ እንደሰደደው (ማቴ…..) ተገልጧል፡፡ ዕብራውያን ምዕራፍ አንድም እግዚአብሔር ከጥንት ጀምሮ ለአባቶቻችን ሲናገር የተለያዩ መንገዶችን ተጠቅሞ እንደነበረ በመጨረሻ ግን ዓለማት በፈጠረበት በልጁ እንደተናገረን ያሳያል፡፡
May God bless you!
benjabef@gmail.com

Wednesday, August 8, 2018

እኛ ግን የተሰቀለውን...!

እኛ ግን የተሰቀለውን.....

በሆነ አንድ ወቅት በአንድ ቤተክርስቲያን የማምለኪያ አዳራሽ ፊት ተሰቅሎ የነበረ አንድ የጨርቅ ባነር ነበር በአቡጀዴው ጨርቅ ላይ ተጽፎ የነበረው መጽሐፍ ቅዱሳዊ ጥቅስ "እኛ ግን የተሰቀለውን ክርስቶስን እንሰብካለን!" የሚል ነበር። ነገር ግን ከጊዜ ወደ ጊዜ ከጨርቁ ላይ ፊደሎች  መጥፋት ጀምረው ነበር። በመጀመሪያ < እኛ ግን> የሚለው ቃል ቀለም በመጥፋቱ ምክንያት አረፍተ ነገሩ<<.. የተሰቀለውን ክርስቶስን እንሰብካለን" የሚል ጽሁፍ ሆነና ስብከቱን በውል ማን እንደሚሰብክ የማይታወቅ ሆነ። ቀጥሎም <የተሰቀለውን> የሚለው ስለለቀቀ <..ክርስቶስን እንሰብካለን> የሚለው ቀረ። ይህም የበለጠ የተለያየ ትርጉም ወደሚሰጠው ደረጃ ደረሰ። ምክንያቱም ብዙ ክርስቶስ ስላለ የትኛውን ክርስቶስ? የሚል ጥያቄ ያመጣልና። ክርስቶስ ራሱ በስሜ ብዙዎች ይመጣሉና ...ማቴ.24 &25 
በመጨረሻም <ክርስቶስን'> የሚለው ጠፍቶ .."..እንሰብካለን!" የሚለው ብቻ ቀረ።
ዋናው መስበካችን ሳይሆን ምን እንደምንሰብክ ፣ ማንን እንደምንስብክም ሌላው ዋና ነገር ነው። የስብከታችንና የአገልግሎታችን ማዕከላዊ አሳብ የተሰቀለው ክርስቶስ መሆን አለበት። ወንጌል ሙሉ የሚሆነው ክርስቶስ በስጋ መምጣቱ (መወለዱ)፣ መሰቀሉ ፣ መሞቱና መነሳቱ ነው። ቤተክርስቲያን በምድር ላይ የቆየችበት ምክንያት ይህንን እውነት እንድትመሰክር ነው። ወንጌል ሙሉ ነው ይዘቱም ይኽው ነው። ሐዋርያው ጳውሎስ በአንድ ወቅት ስለሚሰብከው ነገር ለዋኖች ለማስታወቅና ለማስመርመር በመንፈስ መገለጥ ወደ ኢየሩሳሌም ሄዶ ነበር። ገላ.2፡ 1-10...እነርሱም የሚሰብከው ምን እንደሆነ ከመረመሩ በኋላ ለእርሱና ለበርናባስ ቀኝ እጃቸውን ሰጥተዋቸዋል። ሃሌ ሉያ! ከተሰቀለው ክርስቶስ ውጪ ለመስበክ ብቻ ሳይሆን ሌላ ነገር ላለማወቅም ቆርጦ እንደነበር ተናግሯል።.....
ዝም ብሎ እንሰብካለን ብለን እንደቤተክርስቲያን መናገር አንችልም። የክርስቶስ አብያተክርስቲያናት መስበክና ማወጅ ያለባቸው የተሰቀለውን ክርስቶስን ነው። ዋናው መልዕክት እርሱ ነውና።
 የምትወዱንና የምትጸልዩልን ወዳጆቻችን ሁሉ ይህንን የወንጌል መልዕክት ለሌሎች ሁሉ ለማድረስ አብራችሁን እንድትሆኑ በፍቅር እንጋብዛችኋለን። መልዕክታችን ሁለት ነገር ነው ጠቅለል አርጎ ለማስቀመጥ:-
1ኛ እኛ ነን መስበክ ያለብን!
ይህ ቃል ሌሎች እንዲሰብኩ፣ ሌሎች ወንጌል እንዲንገሩ የሚጠቁም ሳይሆን  እኛ ራሳችን  ሃላፊነቱን ወስደን ወንጌል እንድንሰብክ የሚያሳስብ ቃል ነው።

2ኛ. የተሰቀለውን ክርስቶስን ነው መስበክ ያለብን!
ያልተሰቀለልን፣ ያልሞተልን ሌላ ክርስቶስ ስላለ ነው። ዘንድሮ ብዙ የሚሰብኩ /preachers and teachers/ ቢኖሩም መልዕክታቸው ግን የተሰቀለውን ክርስቶስን ማሳየቱን፣ማላቁን ልብ ብለን ማየት አለብን። ክርስቶስ እስኪመጣ የቤ/ክ ስብከት ገንዘብ መሆን የለበትም፣ ስለ ሰው መሆን የለበትም፣ ሌላ ወንጌል መሆን የለበትም(ገላ 1 :6-9)   ስብከታችን የተሰቀለው ክርስቶስ ብቻ ነው!!!

Sunday, January 1, 2017

በጥልቀት መታደስ !



በጥልቀት መታደስ….!
አዲሱን ዓመት ምክንያት በማድረግ ራሳችንን በጥልቀት ፈትሸን እንታደስ ዘንድ በማሰብ ይህ ጽሑፍ ለመላው አብያተክርስቲያናት አገልጋዮችና ምዕመናን ተዘጋጅቷል፡፡
ይሁዳ 11
“ ..ወዮላቸው በቃየል መንገድ ሄደዋልና፣ ስለ ደመወዝም  ለበለዓም ስሕተት ራሳቸውን አሳልፈው ሰጥተዋል፣ በቆሬም መቃወም ጠፍተዋል፡፡  “
ይሁዳ በመልዕክቱ ውስጥ የጠቀሳቸው እነዚህ ሦስቱ ሰዎች/ቃየል፣ በለዓምና ቆሬ/ በብሉይ ኪዳን በተለያየ ዘመን የኖሩ ሲሆኑ ፡ጸሐፊው በዘመኑ ወደ ቤተክርስቲያን ሾልኮ ስለገባው የስህተት ትምህርትና አስተማሪዎቹ/ሐሳውያን/ ባህሪና ምግባር በስፋት ያነሳው ቤተክርስቲያንን ከጥፋት ለመታደግ እንደሆነ ከመልዕክቱ እንረዳለን፡፡ ይሁንና  የዛሬይቱም ቤተክርስቲያን መሪዎችና አገልጋዮች ትልቅ ትምህርት የሚወስዱበት ሁኔታ አለና ከቀጣዩ መልዕክት እያንዳንዱ ለህይወቱ የሚጠቅመውን ቁም ነገር እንዲያስቀር ይሁን ፡፡
ፀሐፊው ከጠቀሳቸው፡- 1.የቃየል መንገድ
                                 2.የበለዓም ስሕተት
                                 3.የቆሬ መቃወም  ምን ማለት ነው? መቼ ነው የሆነው? እንዴት ነው የሆነው? የሚለውን ቀጥለን እንመልከት
ቃየል፡-የፍጥረት የመጀመሪያው  ሰው አዳም ልጅና የአቤል ወንድም ነበረ፡፡ የዘፍጥረት 4፡3 ማብራሪያ እንደሚነግረን  በቅንዐትና በጥላቻ ተነሳስቶ ወንድሙን አቤልን የገደለ ነፍሰ ገዳይም ነው፡፡ ወደ ግድያ ያደረሰው ጉዳይ ጥላቻ ፤ስግብግብነት፣ ምቀኝነት እንደሆነ ግልጽ ነው፡፡/NIV/  የእናት አባቱ ልጅ አቤል አብሮት እየኖረ እንዴት በእግዚአብሔር ፊት ለራሱና ለመስዋዕቱ ሞገስና ተቀባይነትን እንዳገኘ ትምህርት ከመውሰድ ይልቅ ጥላቻ አደረበት፤ የቃየል ስሕተት ይህ ብቻ አልነበረም፡ ወደ ተሳሳተ አቅጣጫ እያዘገመ እንደሆነና ከክፉ መንገዱም እንዲመለስ እግዚአብሔር ቢያስጠነቅቀውም እንኳ መመለስ አልቻለም፡፡ ስለዚህ የቃየን መንገድ ማለት አጠገቡ ካለው ወንድሙ ትምህርት ከመውሰድ ይልቅ በተሳካላቸው ሰዎች መቅናት፣ እንዴት እንደሚወድቁ ሴራ ማሴር ፣ በሌላ በኩል ሐጢያት እንዳይነግስበት ሊጠቁመው የመጣውን ድምጽ / ምክር/ መናቅ ፤ ችላ ማለት! የሚሉት መገለጫዎቹ ናቸው፡፡
እኛስ ከዚህ ምን እንማራለን? ወገኖች ወንድምን  መግደል የመጨረሻው የክፋት ደረጃ ቢሆንም፤ ትንንሽ ወንድሞችና መገለጫዎችም አሉት፡፡ አሁን አሁን በስፋት እየተለመዱ ያሉ ነገሮች አሉ! ለምሳሌ አንዳንድ  መጋቢዎችና ሽማግሌዎች ትውልድ እንዳይተካ  በር በመዝጋት፣ ትንሽ የጸጋ ስጦታ የሚታይበትን ሰው ድራሹን በማጥፋት፣ እንዲማረር በማድረግ ፤ አሰሪዎች ከሆኑ ከሥራቸው ያሉ ቅጥረኞችን ሁልጊዜ የበታችነት እየተሰማቸው ከስራቸው ብቻ እንዲሆኑ፣ በተለያየ ዘርፍ ሰዎች ከስር ተነስተው ልቀው እንዳይወጡ የሚደረግበት ሥጋዊ አሰራር ሁሉ የቃየል መንገድ መገለጫ ነው፡፡  በሌላ መልክ ሲነገራቸው የማይሰሙ፣ መንፈሳቸውን የማያደምጡ፣ ምክርና ተግሳጽን የሚንቁ፣ ነጋቸው/ዘላለማቸው/ የማይታያቸው ሁሉ በዚህ መንገድ ላይ ያሉ ናቸው፡፡ መጨረሻቸውም አሳዛኝ ይሆናል፡፡ ምክንያቱም ስለ አቤል ደም እግዚአብሔር ዝም አላለምና! ልክ እንደ ደሙም በር የተዘጋባቸው ፣ ያለ አግባብ መብታቸውን የተቀሙ፣ እንዳያድጉ የሚኮረኮሙ፣ ያለ በቂ ምክንያት ዕድገት/ሹመት/ የተነፈጉ፣ ዘራቸው ፣ቋንቋቸው ተፈትሾ የማለፊያ መንገድ የተከለከሉ፣ አድሎ የተፈጸመባቸው፣ግፍ የተሰራባቸው የበርካቶች ወንድሞችና እህቶቻችን እንባና ጩኽት እየተሰማ ነው፡፡
  በለዓም ፡-ምንም እንኳ በአዲስ ኪዳን ውስጥ የተለያየ ሥፍራ ላይ የተጠቀሰ ቢሆን / ራዕይ 2፡14፣ 2ጴጥ.2፡15..ወ.ዘ.ተ./  በዋናነት ግን ታሪኩን በዘኁ.ም.22-25 ድረስ እናገኛለን፡፡ በተለይ በራዕይ መጽሐፍ ላይ እንደተጠቀሰው በአንድ ወቅት ለእስራኤላውያን እልቂት ምክንያት  የሆነውን የጥፋት ድግስ ያስደገሰ ዋነኛ ጠላት እርሱ ነበር፡፡ የእግዚአብሔር ቃል ‹‹ዳሩ ግን ለጣዖት የታረደውን እንዲበሉና እንዲሴስኑ በእስራኤል  ልጆች ፊት ማሰናከያን ሊያኖርባቸው ባላቅን ያስተማረ የበለዓምን ትምህርት የሚጠብቁ በዚያ ከአንተ ጋር ስላሉ የምነቅፍብህ ጥቂት ነገር አለኝ፡፡››ይላል፡፡ በለዓም ባላቅን  ያስተማረው ምንድን ነው? መቼስ  ነው ያስተማረው? ብለን መጠየቃችን አይቀርም፡፡ በቅድሚያ ስለ ግንኙነታቸው እናንሳ፡፡ ባላቅ በአንድ ወቅት የሞዐብ ንጉስ የነበረ ሲሆን፤ በለዓም ግን ከሞዐብ ትንሽ  ራቅ ያለ ሥፍራ ላይ ተቀምጦ በረጋሚነት የሚተዳደር ሰው ነበር፡፡ እስራኤላውያን ከግብጽ ወጥተው ወደ ከነአን ጉዞ መጀመራቸውን ተከትሎ  በምድሩ እንዳያልፉ፡ በተለይም ከሰማው ዝናቸው አንጻር ሰግቶ በለዓምን አስመጥቶ በሙዋርት ሊያስረግማቸውና መንገድ ሊያስቀራቸው ሽቶ ነበር፡፡ በዚህ መልክ ነው እንግዲህ በለዓምን የሚያግባቡ ተለቅ ተለቅ ያሉ ሰዎች ተልከው ከቀናት በኋላ ተክተልትለው አብረው የደረሱት፡፡ ቢሆንም እቅዳቸው ሳይሰምር ቀረ፡፡ ለሦስት እና ለአራት ጊዜ ፈጽሞ መባረክ ብቻ እንጂ መርገም ከቶ አልተቻለም ነበረና፡፡ ምክንያቱም እግዚአብሔር በስውር ለሕዝቡ እየተሟገተ ነበር፡፡ ምንም እንኳ በዘኁልቁ መጽሐፍ ላይ ሁለቱ ሰዎች በዚህ መልክ እንደተለያዩ ቢገልጽም፤አዲስ ኪዳንን ጨምሮ በሌሎች ስፍራዎች ላይ በለዓም የሰራው ተንኮል ቁልጭ ብሎ ወጥቷል፡፡
 በለዓም ሁለት መልክ ያለው፣ ሁለት ምላስ ያለው፣ከባድ ሰው ነበር፡፡ ፊት ለፊት እስራኤልን ይመርቃል፣ ያደንቃል ፣እግዚአብሔር በመካከላቸው ያለ ታላቅ ሕዝብ መሆኑን ይናገራል፣ከአንበሳ ደቦል ጋር ያመሳስላቸዋል፣ ሞታቸውን እንኳ እኔ ልሙት ብሎ እስኪመኝ ደርሶ ይታያል/ዘኁ.23፡10……../፤ ዞር ብሎ ደግሞ የሚጠፉበትን፣ተሰነካክለው የሚወድቁበትን ጉድጓዳቸውን ይቆፍራል፡፡ ያወቀውን ድካማቸውን አጋልጦ ሰጠ! ድካማቸውን ፈጽመው እንዲወድቁበት ተጠቀመበት፤ ከፊት ጥሩ ስለሚናገር ማንም እርሱን ጠላት ነው ብሎ ሊፈርጀው አይደፍርም ከጀርባ ግን ሐሜት አለ! እየሳቀ የሚገድል ቀን ጠብቆ አሳልፎ የሚሠጥ ከባድ ሰው ነበር፡፡ በዚህም ምክንያት መተት ያላጠፋው ሕዝብ፣ ሙዋርት ያልገደለው ሕዝብ፣ ከቶ እርግማን ሊሰራበት ያልቻለ፣ ሊረገምም ያለተቻለ የእግዚአብሔር ሕዝብ በድካሙ ምክንያት መንገድ ቀረ‹! በአንድ ቀን ብቻ ሃያ አራት ሺህ ሰዎች ሞቱ! ይለናል / ዘኁ.25ቁ.9/፡፡
እኛስ ከዚህ ምን እንማራለን?  እየሳቁ የሚገድሉ፣ ፊት ለፊት ጥሩ ነገር ያወሩና ከጀርባ ጉድጓድ የሚቆፍሩ …በተለይ እግዚአብሔር ቤት ውስጥ በርካቶች እንዳሉ ሲሰማ አያምም ወይ? ዞረው የሚያሙ፣ ድካሙን እንዲያስተካክል ለወንድማቸው ከመናገር ይልቅ ለሌላው /ለገዳይ/ አሳልፈው የሚሰጡ፣ በለዓም ለደሞዝ ተታሎ ይህን እንዳደረገ ተጠቅሷል፡፡ እንዲህ ባለ ምድራዊ ጥቅማ ጥቅም የሚታለሉ፣ እውነትን የሚሸቃቅጡ፣ ለሆዳቸው ያደሩ፣ እውነትን መጋፈጥ አንድ ቀን እንኳ የተሳናቸው፣ ዘላለማዊውን ነገር የረሱትን ይመስላል፡፡ የበለዓም ስህተት በሐዋርያት ዘመንም ነበረ፣ ዘንድሮም በየ አጥቢያው አይጠፋም …ይህን መንገድ እየተከተላችሁ ያላችሁ ወንድሞች፣ ቄሶች፣መጋቢዎች፣ዲያቆናት፣ሽማግሌዎች፣ልዩ ልዩ ባለስልጣናት…ራሳችሁን ከዚህ ክፉ መንገድ አውጥታችሁ በመጪው አዲስ ዓመት ሰው መንገዱ የሚቀናለትን ሁኔታ በበጎ ሕሊና እንድታስቡ፣ በተግባር ሰው መንገዱ እንዲቀናለት አድርጋችሁ እንድታመቻቹ ትለመናላችሁ! ዞሮ ጉድጓድ መቆፈር  ይብቃ! ሌላው መንገድ ላይ የሚቀርበትን ሸር መስራት ይብቃ! ……
ቆሬ፡- ይህ ደግሞ  ታሪኩ በዘኁ.16  ላይ ተጠቅሶ እንደሚገኘው  የትዕቢትና የንቀት ምሳሌ ነው፡፡ በተለይ ሁሉን ማድረግ እኛም እንችላለን! እነሱ ማናቸውና! እያሉ እውነተኛ  አገልጋዮች ላይ በድፍረት የሚናገሩ፣ በንቀት ለተሞሉ፣ ሳይችሉ እችላለሁ! ለሚሉ፣ ድምጽ-ተሰጦ ሳይኖራቸው በእልኸኝነት መዘምራን መካከል ገብተው ለሚረብሹ፣ አንዳችም ነገር ሳይሰማቸው የሰውን ስነ ልቦና እያነበቡ ከልባቸው እያወጡ ለሚተነብዩ፣ ሳይሾሙ ራሳቸውን ለሾሙ፣መሪነት ሳይሰጣቸው መምራት እችላለሁ! ለሚሉ ደፋሮች፣ ቀን ተቀን ለእግዚአብሔር ቤት የማነቆ ገመድ ለሆኑ እልኸኞች፣ የቆሬ ሰዎች ሕይወት ትልቅ ምሳሌ ነው፡፡ በነገራችን ላይ ጥቂት ነበሩ፤ ነገር ግን አድማ ሰርተው አለቆችን አሳምነው እኛም እንደነርሱ ካህናት መሆን እንችላለን! ማጠን እንችላለን! በማለት በሙሴና በአሮን ላይ ተሰበሰቡ /ቁ.6-10/፡፡ አሳዛኙ ነገር እንዲህ በትዕቢት ተወጥረው ማድረግ የሌለባቸውን እናደርጋለን ብለው የተነሱቱ ወገኖች መጨረሻቸው አለማማሩ ነው/ቁ.31-33/፡፡
እኛስ ከዚህ ምን እንማራለን? ካህን ተደርገው ሳይመረጡ የራሳቸውን ጥና የያዙ፣ ጥሪ ሳይፈተሸ/ሳይረጋገጥ/ ቤተክርስቲያን እንመራለን ብለው ግርግር የሚፈጥሩ፣ በተቀቡ ሰዎች ላይ አድማ የሚያሳድሙ፣ ለመልካም ሳይሆን-ለክፉ፣ ለማቅናት ሳይሆን-ለማፍረስ፣ የሚሰበሰቡ፣ የማይመለከታቸውን ጉዳይ እየፈተፈቱ ቤታቸው ቁጭ ብለው ቤተክርስቲያን የሚያፈርሱ፣ ካልቻሉ አሳባቸውን በሰው ምላስ ላይ እያኖሩ ሰላም እንዳይገኝ ምክንያት የሚሆኑ ሁሉ ቆሬና ሰዎቹ ሞቱ እንጂ መንፈሱ አልሞተምና በተለያየ ተዋረድ በእጅ አዙር እየተጠቀመባቸው እንዳይሆን መፍራት ጥሩ ይመስለኛል፡፡ ሁሉን አውቃለሁ የሚልን ሰው መምከር ከባድ ቢሆንም የእግዚአብሔርን ጥልቅ አሰራር መርምሮ ሊደርስበት የሚችል የለምና እስኪ በትጋትና በደስታ ራዕያቸውን ይፈጽሙ ዘንድ እግዚአብሔር ከመረጣቸው አገልጋዮቹ ላይ ዞር ትሉ ዘንድ በአዲሱ ዓመት ጌታ እንዲረዳችሁ ጸልዩ! ደግሞ በተቃራኒው ሥራውን መደገፍ ፣መጸለይ፣ የፈረሰ ጎን አይቶ መቆም….ምንም ነገር ከተቃውሞ ሳይሆን ከፍቅር እንዲመነጭ ማድረግ ብስለት ነው፡፡
 እንዲያው ባጠቃላይ ቅንነትን ተላብሰን የቀረችን ጊዜ ምን ያህል እንደሆነች አትታወቅምና እግዚአብሔር በረዳን መጠን ጥሩና ደግ ሰዎች፣ የሰላም ሰዎች፣ ራሳቸውን የካዱ ለሌላው የሚኖሩ ሰዎች ፣ ለትውልድ መንገድ ከፋቾች ፣ የማደጊያ አቅጣጫ ጠቋሚዎች ያድርገን ! በክርስቶስ ኢየሱስ ስም! አሜን!
                                                                             ብንያም በፍቃዱ /መጋቢ/
                                                                               benjabef@gmail.com

Saturday, May 7, 2016

ስለ አማላጅነት

የጻድቃን አማላጀነት ያስፈልጋል ወይ ?

የመላዕክት ድርሻስ ምንድን ነው ? የሚሉትን ነገሮች በስፋት እንዳስሳለን፡፡

በቅድሚያ ጻድቅ የሚባለው ማን ነው?  ምን ያደረገ ነው?  የሚለውን መሰረታዊ ጥያቄ መጽሀፍ ቅዱስ ላይ ተመስርተን እንመልስ፡ ጻድቅ ማለት በእግዚአብሔር ፊት ትክክል የሆነ ፣ተቀባይነትን ያገኘ ማለት ሲሆን፡፡ ህግጋትን በመፈጸምና አንድም ሀጢያት ባለመፈጸም የታወቀው ብቸኛ ሰው የሆነው ደግሞ ክርስቶስ ብቻ ነው፡፡ ሌሎች ሰዎች ሁሉ በደልን እንደሰሩ ቃሉ እንዲህ ይላል፡ ‹‹ልዩነት የለምና ሰዎች ሁሉ ኃጢያትን ሰርተዋል የእግዚአብሔርም ክብር ጎድሎአቸዋል በክርስቶስ በሆነው ቤዛነት በኩል እንዲያው በጸጋው ይጸድቃሉ  ››  ሮሜ.3፤20-23 ይላል፡፡ 'ልዩነት የለም'  የሚለው ቃል ጻድቅ  እንደሌለ እና በራሱ ተቀባይነትን በእግዚአብሔር ፊት ያገኘ አንድም እንደሌለ ነው የሚያሳየው፡፡ ስለሆነም በክርስቶስ በኩል በእምነት የሆነው የእግዚአብሔር ጽድቅ ወደ ሰዎች መጣ  /ሮሜ.5፤1/፡፡

       ‹‹እንግዲህ በአንድ በደል ምክንያት ፍርድ ለኩነኔ ወደ

         ሰው ሁሉ እንደ መጣ እንዲሁም በአንድ ጽድቅ

         ምክንያት ስጦታው ህይወትን ለማጽደቅ  ወደ ሰው

         ሁሉ መጣ፡፡በአንዱ ሰው አለመታዘዝ  ብዙዎች ኀጢያተኞች

         እንደሆኑ እንዲሁ ደግሞ በአንዱ መታዘዝ ብዙዎች

         ጻድቃን ይሆናሉ፡፡›› ሮሜ.5፡18 ና 19

እግዚአብሔር ያዘጋጀው ጽድቅ በልጁ በኢየሱስ ክርስቶስ በማመን የሚገኝ ጽድቅ ነው፡፡ እንጂ ህግን በመፈጸም ና በጎ ተግባራትን በመከወን  አይደለም /ሮሜ.3፡28/፡፡ በአዲስ ኪዳን ዘመን ጻድቅ ማለት በጌታችንና በመድኀኒታችን በኢየሱስ ክርስቶስ  አምኖ የዳነ፣ በደሙም ኀጢያቱን የታጠበ እና በክርስቶስ በኩል ከእግዚአብሔር ጋር ታርቆ በጽድቅ እየኖረ ያለ ሰው ነው፡፡

ክርስቶስ ለተወሰነ ህብረተሰብ ክፍል አይደለም የሞተው ::ለዓለም ሁሉ እንጂ፡፡ስለዚህም ነው መድኀኒዓለም ብለን የምንጠራው፡፡የእርሱ ስቅለትና ሞቱ እኛን ለማዳን በቂ ነው፡፡ለኀጢያታችን የከፈለው ዋጋ፣የፈሰሰው ደም፣የተሰቃየው ስቃይ የሁላችንን እርግማን ለመሻር ና ዕዳችንን ለመክፈል በቂ፣ ከበቂም በላይ ነው፡፡አባቱ በቂ አይደለም! ብሎት በነበረ ኖሮ ሌሎች ተጨማሪ የመዳን ስራዎችን በሰራን ነበር፡፡ነገር ግን እኛን ለማዳን ያነሰ ና የቀረ ነገር አልነበረም የመስቀሉ ስራ አብን አርክቶታል፡፡ ተፈጸመ ብሎኣል፡፡ ስለዚህ ጽድቅ  የማግኛው መንገድ ክርስቶስ ብቻ እንደሆነ ዮሐንስ በወንጌሉ ላይ ምዕራፍ 14 ቁጥር 6  እንዲ ይላል፡-" እኔ መንገድና እውነት ህይወትም ነኝ፡፡በእኔ በቀር ወደ አብ የሚመጣ የለም፡፡"  'በእኔ በቀር'  የሚለው ከጌታችን ኢየሱስ  በስተቀር ማንም ማዳን እንደማይችል ያሳያል፡፡

Thursday, November 12, 2015

Thanks Giving



   Whereas the duty of all nations to acknowledge the providence of Almighty God, to obey his will, to be grateful for His benefits ,and humbly implore His protection ,aid and favors…
Now therefore ,I do recommend and assign the 26th of November next, to be devoted by the people of these  states to the service of that Great and Glorious Being.Who is the beneficent Author of all the good that was ,that is ,or that will be that we may then all united in rendering unto Him our sincere and humble thanks for His kind care and protection of the people of this country , and for all the great and various favors which He has been pleased of confer upon us.
Our founding fathers openly recognized God. They were aware of our need for God if we were to be a healthy nation .George Washington said: ‘’ It is impossible to rightly govern the world without God and the Bible.’’ They know that if the nation was going to work its people needed to voluntarily live by God’s rules.
Times have changed .We may be the only culture in the world that openly acknowledges God in our constitution,on our money , and on Thanks giving, but refused to allow God to be named in any of our public institutions. As a nation we are working hard to push God out of our lives.
Ignoring God isn’t unusual.The history of the world is a story of people turning away from God.Amazing,God hasn’t turned away from us yet.But if we do not repent,He will.
Government can not turn us back to God. Turn back to God requires a change of heart.When get out hearts fixed,our priorities lineup, and things work better.
You can get this change of hearts by giving up your old life and turning to God. He sent His Son Jesus to close this huge gulf between us and God.So when we turn to God in the name of Jesus, we are acceptable as if we never sinned-the Bible calls it being clothed with Jesus’ clothes in front of God. In the name of Jesus you can belong to God and busy yourself in His world. In the name of Jesus you can once again belong to others. When you belong to others, your life won’t be sucked dry –you’ll be like a mountain spring fuller and fresher than you ever imagined.That’s because you keep turning God to fill you up,and He has all the resources in the universe at His command. It’s like being wealthier than you could ever imagine.
So I hope you will turn your face towards God this Thanks giving.Do more than Thank Him for good thanks giving will become a year-round event in your life.
‘’ Blessed is the nation whose God is the Lord: Behold the eye of the Lord is upon them that fear Him, upon them hope in His mercy’’ , Psalm 33: 12,18.
‘’Righteousness exalts a nation, but sin is a disgrace to any people.’’Proverb 14:34.
‘’ For God so loved the world that He gave His only begotten Son that whosoever believeth in Him should not perish, but have everlasting life.’’ John 3:16.
‘’ He that believeth on the Son hath everlasting life: and he that believeth not the Son shall not see life: but the wrath of God abideth on him’’ John 3:36.
‘’ Whosoever shall call upon the name of the Lord shall be saved .’’ Romans 10:13
              Thanks Giving Prayer
Dear God :Thank you for the wonderful gifts you have poured out on our nation.In the name of Jesus,who died for my sins,forgive me and forgive our nation for enjoying your gifts while trying to live without you. I repent of how I have been living and gratefully give my heart to you today. Help others in our nation to turn to you .Amen!
                              Source: from Tract League blog

If you want to read more click here: http://tehadesothought.blogspot.com

Sunday, October 4, 2015

ሚስጥረ ቁርባን

''ሲበሉም ኢየሱስ እንጀራን አንስቶ ባርኮ ቆርሶም ሰጣቸውና እንካችሁ ይህ ስጋዬ ነው አለ፡፡ ጽዋውንም አንስቶ አመስግኖ ሰጣቸው ሁሉም ከእርሱ ጠጡ፡፡ እርሱም ይህ ስለ ብዙዎች የሚፈስ የአዲስ ኪዳን ደሜ ነው፡፡ '' ማርቆስ 14:22-23

  በተለያየ ጊዜ የሚነሱ ጥያቄዎች
  • ስጋዬን የበላ ደሜን የጠጣ የዘላለም ህይወት ያገኛል፡፡ ስለሚል ቁርባን ያጸድቃልን ?
  • ቅዱስ ቁርባን በቅዳሴ ጊዜ ወደ እውነተኛ የክርስቶስ ደምና ስጋነት ይቀየራልን ?
  •  ስጋውና ደሙን መውሰድ ያለበት ማን ነው? የሚሉትና የመሳሰሉትን መሰረታዊ ጥያቄዎች እንዳስሳለን፡፡
   በኦርቶዶክስ ቤተክርስቲያን ከተደነገጉት 7 ዓይነት ሚስጥራት መካከል አንደኛው ሚስጥረ ቁርባን በመባል ይታወቃል፡፡ ቅዱስ ቁርባን  ወይም የጌታ እራት ብለን የምንጠራው ስርዓት የተደነገገው በጌታ እንደሆነ ይታወቃል ፡፡ይሁን እንጂ እስራኤላውያን ከግብጽ ባርነት ነጻ ከወጡበት ዕለት ጀምሮ እንዲፈጽሙት በእግዚአብሔር የታዘዙ በመሆኑ እስከዛሬ ድረስ ይጠብቁታል፡፡ ነገር ግን ብሉይ ኪዳን የአዲስ ኪዳን ጥላ በመሆኑ ና ክርስቶስ የገዛ ደሙን አፍስሶ ከሐጢያታችን አጥቦ ከዓለም ስላወጣን አርነታችን እውነተኛ ፋሲካ ክርስቶስ ሆኖልናል፡፡ ስለዚህም በጌታ እራት ጊዜ በድምቀት የምናስታውሰው ትልቁ ነገር የጌታ ሞትና ትንሳኤ ነው፡፡ የፋሲካ እውነተኛ ትርጉሙም ስለ ሐጢያታችን የሞተው የእግዚአብሔር በግ ክርስቶስ ነው፡፡

  ከጊዜ ወዲህ ግን ስለ ጌታ እራት ወይም ስለ ቅዱስ ቁርባን የሚሰጡ ትርጉሞች እንደየ ቤተ እምነቱ ሁኔታ መለያየትን አምጥቶአል፡፡ ለመሆኑ የጌታን እራት በመውሰድ ይጸደቃልን ? ይህ ዋነኛ ጥያቄ በቅድሚያ መመለስ አለበት፡፡ ብዙዎች የጌታን እራት በመውሰዳቸው ምክንያት እንደሚጸድቁ ሊያስቡ ይችላሉ፡፡ ነገር ግን ጽድቅን ለማግኘት መጽሐፍ ቅዱስ የሚያስተምረን እውነት ከዚህ የተለየ ነው፡፡ ፅድቅ እንዴት ይገኛል? ብለን በሌላ ትምህርት ላይ አንስተን እንደነበረ ልብ በሉ ፡፡ መጽሐፍ ቅዱስ እንደሚያስረዳን ጽድቅ ክርስቶስን በማመን የሚገኝ ነው፡፡ ዮሐ.3፤16፣ ሮሜ.6፤20፣ ሮሜ 10፤9፡፡ ታዲያ '' በስጋዎ ደሙ ይጸደቃል'' የሚለው ትምህርት ከየት የመጣ ነው ? ካልን በዮሐንስ ወንጌል 6 ላይ ከተጠቀሰው ቃል መነሻ ተደርጎ እንደመጣ የሚታመን ሲሆን ቃሉም '' ስጋዬን የበላ ደሜን የጠጣ የዘላለም ህይወት አለው አለ፡፡'' ቁ.54 ይላል፡፡

   ክፍሉን በጥንቃቄ ብናጠና ከመጀመሪያው ጀምሮ ስለ ምን እንደሚያወራ መመልከት ይቻላል፡፡ ከቁ.1-14  ብዙ ሰዎች ፡ማለትም ሴቶችና ህጻናትን ሳይጨምር ወንዶች ብቻ 5 ሺህ  ሆነው ወደ ጌታ የመጡበት ፣ከዚያም 2 ዓሳ ና 5 የገብስ እንጀራን ባርኮ ሁሉም እንደሚፈልገው ወስዶ ጠግቦ 12 ቅርጫት ቁርስራሽ የተነሳበት ታሪክ እናነባለን፡፡ ከዚያ ቁ. 15 ላይ ህዝቡ ኢየሱስን በድንገት ነጥቀው  ለማንገስ ሐሳብ እንዳላቸው አውቆ ከእነርሱ ፈቀቅ እንዳለ ያስረዳል፡፡ ከቁ.16 እስከ 25 ድረስ ህዝቡ በተለያየ ቦታ ፈልገው ፈልገው ፡በሁዋላ ላይ ግን እንዳገኙትና አንድ ጥያቄ እንደጠየቁት ተጽፉዋል፡፡ '' መምህር ሆይ ወደዚህ መቼ መጣህ? አሉት፡፡ ኢየሱስም መልሶ እውነት አውነት እላችሁዋለሁ የምትፈልጉኝ እንጀራ ስለበላችሁና ስለ ጠገባችሁ ነው እንጂ ምልክቶችን ስላያችሁ አይደለም፡፡ለሚጠፋ መብል አትስሩ፤ ነገር ግን ለዘላለም ህይወት ለሚኖር መብል የሰው ልጅ ለሚሰጣችሁ ስሩ፡፡እርሱን እግዚአብሔር አብ አትሞታልና፡፤ እንግዲህ የእግዚአብሔርን ስራ እንድንሰራ ምን እናድርግ አሉት'' ኢየሱስም መልሶ ይህ የእግዚአብሔር ስራ እርሱ በላከው እንድታምኑ ነው አላቸው፡፡'' ቁ.27-29፡፡ ቁልፍ ነገሩ እዚህ ጋር ነው ያለው ፡፡ ምዕራፉ የሚተነትነው ስለሚበላ የስጋ ምግብ ሳይሆን በክርስቶስ ስለማመን ነው ፡፡ ከዚያ በሁዋላ ያሉትን ጠቅላላ ቁጥሮች ብንመለከት ክርስቶስ ኢየሱስ ራሱን በማመን ስለሚገኝ የዘላለም ህይወት እርሱም የህይወት እንጀራ በመሆኑ '' የህይወት እንጀራ እኔ ነኝ፡፡ ወደ እኔ የሚመጣ ከቶ አይራብም፤በእኔ የሚያምንም ከቶ አይጠማም፡፡'' ቁ.35

  በእርግጥ ስጋዬን ብሉ ደሜን ጠጡ በሚለው ትምህርቱ ደቀ መዛሙርቶቹ እንኩዋ ሰምተው እንደተሰናከሉ እናነባለን ፡፡ የጌታ መልስ ግን '' ህይወትን የሚሰጥ መንፈስ ነው እንጂ ስጋ ምንም አይጠቅምም ፤እኔ የነገርኩአችሁ ቃል መንፈስ ነው ህይወትም ነው፡፡'' ቁ.63፡፡ ስለዚህ ቃሉ በአጠቃላይ ስጋዎ ደሙን ወይም የጌታ እራት የሚባለውን ስርዓት ለማስረዳትና ትዕዛዝ ለመስጠት የተጻፈ አይደለም፡፡ እርሱን የተነናገረበት ሌሎች ክፍሎች አሉ፡፡ ክፍሎቹ በሙሉ የሚያስረዱት የጌታ እራትን በመውሰድ ስለሚገኝ ጽድቅ ሳይሆን ፡ ድነት ያገኘንበትን ሞቱን እንድናስብ ነው፡፡ ለነገሩ ከስቅለቱና ከሞቱ በፊት የጌታን እራት በመውሰድ እንድንጸድቅ አስቦ ቢሆን፡ ለምን ያን ሁሉ ዋጋ ይከፍላል?፡፡ የመስቀል ላይ ጣሩ፣ የደሙ መፍሰስና ሞቱ በእርሱ አምነን እንድንድን የግድ አስፈላጊ ና ለሐጢያታችን ክፍያ መሆን ስለነበረበት የተደረገ ነው፡፡ ስለ ጽድቅም እርስ በርሱ የሚጋጭ ነገር አልተጻፈም፡፡ የጽድቅ መንገድ እርሱ እንዳለው '' እኔ መንገድ፣ እውነትና ህይወት ነኝ፡ በእኔ በቀር ወደ አብ የሚመጣ የለም '' ዮሐ.14፤6 ፡፡ ብሎአል፡፡ የጽድቅ ብቸኛ መንገድ ክርስቶስ ነው፡፡

    የጌታ እራት ትክክለኛ ትርጉም ምንድን ነው?
  • የጌታን ሞትና ትንሳኤ መናገሪያ/ማወጂያ/
  •  የቅዱሳን ህብረት ማድረጊያ፡፡ ይህም በአንድነት በምንወስደው ማዕድ በክርስቶስ የተሰጠንን ክርስቲያናዊ ህብረት የበለጠ እናጠናክራለን፤እርስ በርስም እንተናነጻለን፡፡/1ቆሮ.10፡16-18
  •  የምንባርከው የበረከት ጽዋ ከክርስቶስ ደም ጋር ህብረት ያለው ነው፡፡ ስለሆነም ከቅዱሳን የእርስ በርስ ግንኙነት በተጨማሪ ከጌታችንም ጋር ህብረት እናደርጋለን፡፡ ቁ.21
የጌታን እራት ማን ሊወስድ ይገባል?
  • የጌታን እራት በክርስቶስ ያመኑ አማኞች ሁሉ ሊወስዱት ይችላሉ፡፡
  •  አንዳንድ ቦታ እንደየ አካባቢውና ህብረተሰቡ ተጨባጭ ሁኔታ ቤተክርስቲያን በአወሳሰድ ጉዳይ የራሱዋን ድንጋጌ ልታወጣ ትችላለች፡፡ ይህም ስርዓቱ መንፈሳዊ ትርጉሙን እንዳያጣ እና እንደ ቆሮንቶስ ቤተክርስቲያን ሁኔታ እንዳይፈጠር በማሰብ ነው፡፡ 1ቆሮ.11፤17-31
  •  በሐጢያት ለመቀጠል ያልወሰነ አማኝ ሁሉ ራሱን መርምሮ መውሰድ ይችላል፡፡
   በእርግጥ ብዙ ጊዜ  ከጌታ ይልቅ፡ ለጌታ እራት የመጠንቀቅ ልማድ ብዙ ምዕመናን ላይ ይስተዋላል፡፡ ይህ ማለት ልባችን ውስጥ ያለውን ክርስቶስን በመፍራት ንስሐ ልንገባ፣ የበደሉንን ሰዎች ይቅር ልንል ወይም ይቅርታ ልንሰጥ ይገባል እንጂ የጌታ እራት በመጣ ቁጥር ብቻ የምንቀደስና የምንሩዋሩዋጥ ከሆነ፡ ድንገት የሚሆነው ምጻቱ ጊዜ ምን ሊውጠን ነው? ከዚህ በተጨማሪ ድል እና ድነትን ያገኘንበትን የሞቱን መታሰቢያ፡ የሙታን ተስካር እንደሚዘከር ያለ ስርዓት ማካሔድም ተገቢ አይደለም፡፡ ምክንያቱም በሞቱ ነው ሰይጣን ድል የተደረገው ፣ ሞትና መውጊያው የተሸነፉት፡፡ ሞቱ  ፣ የደረሰበት መከራና እንግልት ሁሉ ቢያሳዝነንም ግን ደግሞ በትንሳኤ የተነሳ ጌታ ነው፡፡ በዕለቱ  የንስሐ መንፈስ ያስፈልጋል ፡ደግሞ ደስ ሊለንና ልንዘምርም ይገባል፡፡

ትርጉሙ ሳይገባን መውሰድ የሚያስከትለው ቅጣት:-
  •  ሳይገባው የጌታን እራት የሚወስድ የጌታ ስጋና ደም ባለ ዕዳ ይሆናል፡፡1ቆሮ.11:27
  • ፍርን ያመጣል፡፡ ቁ.29
  •  ቆሮንቶሶች በጊዜው እንደ ደረሰባቸው አይነት ህመምና ሞት ጭምር ሊከሰት ይችላል፡፡ 1ቆሮ.11፡30
ስለሆነም ወደ ከበረው ወደ ጌታችን ኢየሱስ ክርስቶስ እራት ከመቅረብዎ በፊት ሁለት ወሳኝ ነገሮን መወሰንዎን አይዘንጉ ፡-

1-እውነተኛ ንስሐ መግባትዎትን

2-ስለ ዓለም ሁሉ ተሰቅሎ የሞተውን ደግሞ በሶስተኛው ቀን የተነሳውን መድኀኒዓለም ክርስቶስን ማመንዎትን እርግጠኛ ይሁኑ፡፡ ይህ ሲሆን አይደለም ለጌታ እራት ፡ለመንግሰተ ሰማይም እንኩዋ አይሰጉም፡፡ እግዚአብሔር አምላክ በነገር ሁሉ ያግዘን ፡፡ አሜን!