የሠርግ ጥሪ

      የማክበር ሰላምታችንን እያቀረብን ጌታ ቢፈቅድና ብንኖር በፊታችን ባለው አንድ ቀን ሙሽራው ጌታችን መድኀኒታችን ኢየሱስ ክርስቶስ ሙሽሪትን /ቤተክርስቲያንን/ ከምድር ሊወስዳት ይመጣል፡፡ ልብ ይበሉ የሚመጣበት ሰዐትና ቀን  ባለመገለጹ / ማቴ.24፡36/ ከዛሬዋ ቀን ጀምረው በእውነተኛ ንስሐ ተዘጋጅተው ሙሽራውን ሊጠብቁ ይገባል፡፡ ሙሽራው በሚመጣበት  ያን ጊዜ የዓለም መጨረሻው ይሆናል፡፡ 

       በዚህ ሰርግ ላይ ለመታደም የሚያስፈልጉ መስፈርቶች፡-

1- ነጭ ልብስ መልበስ አለብዎት፡፡ ማቴ 22 ቁ. 11-14 ይህም ንስሐ ገብተው በክርስቶስ ማመንዎትን የሚገልጥ ነው፡፡

2- መብራትና በቂ የሆነ ዘይት መያዝዎትን አይዘንጉ፡፡ ማቴ.25፡1-13

3- ታማኝነትና ልባምነት፡፡ ማቴ.24፡45-51፡፡ ዋና ዋናዎቹ ናቸው፡፡

ታዲያ እርሶ በክርስቶስ ሞትና ትንሳኤ አምነዋልን? እውነተኛስ ንስሐ ገብተዋልን ? ዛሬውኑ ይወስኑ!!!

      Maranatha!

ከሲኦል የተላከ ደብዳቤ !

መጽሐፍ ሲናገር '' ወይቤ መጽሐፍ ኩሉ ዘየአምን ፡ ቦቱ፡ የሐዩ ፡፡/ በእርሱ የሚያምን አያፍርም፡፡'' ሮሜ.10፡11

/ በ ሉቃስ ወንጌል 16፡19-31 ላይ ያለውን ታሪክ አንድ ሰው በዚህ መልክ አቅርቦታል፡፡  

      ይድረስ በምድር ላይ  በአባቴ መኖሪያ ቤት ውስጥ እየኖራችሁ ላላችሁ አምስት የስጋ ወንድሞቼ፡፡ ለጤናችሁ እንደምን አላችሁ ? ዛሬ ይህን ደብዳቤ ወደ እናንተ ልጽፍ ያነሳሳኝ ምክንያት አንድ ብርቱ ጉዳይ ላስታውቃችሁ ወስኜ ነው፡፡ እንደምታውቁት እኔ ወንድማችሁ በምድር ላይ በነበርኩ ጊዜ አንዳች ያልጎደለኝ  ሰው ነበርኩ፡፡ያማረኝን በልቼ .፣ያማረኝን ገዝቼ እኖር ነበር፡፡ አልፎ አልፎ ስለ ሞት ካሰብኩ ፡ ከሞትኩ በኋላ ቅዱሳን ሰማዕታት ከሲኦል ይታደጉኛል የሚል እምነት ነበረኝ፡፡ ነገር ግን እዚያ ስሔድ ያጋጠሙኝ እውነታዎች ፈጽሞ እንዳሰብኩት አልነበሩም፡፡ ሁለሉ ነገረር ተደበላለቀብኝ ልወጣው የማልችለው ሲዖል ውስጥ ራሴን አገኘሁት፡፡ ክፋቱ ደግሞ ፈጽሞ በምንም መንገድ ልወጣ የማልችል መሆኔን ስረዳ ይህንን ደብዳቤ ልጽፍላችሁ ወሰንኩ፡፡

·         በመጀመሪያ ሲኦልና ገነት ከመሞት በሁአላ አለ ሲባል ሰምታችሁ ከሆነ እውነት ነው፡፡ አለ!!!

·         በምድር ላይ እውነተኛ ንስሐ  ያልገቡ ና ትክክለኛ የህይወት ውሳኔን ያላደረጉ ሁሉ መጨረሻቸው ሲኦል ነው፡፡

·         አንድ ጊዜ ሲኦል ከተገባ በኋላ ጻድቃን ሰማዕታት ሊደርሱልን እንደማይችሉ ተረድቼአለሁ፡፡ ይህንንም እውነት ያወቅሁት ጻድቁ አባታችን አብርሐም ራሱን አነጋግሬው ነው፤ አላዛርን ሰድዶልኝ የምሰቃይበትን ነበልባል በጣቱ ጫፍ  ውሐ ነክሮ መላሴን  ጥቂት እንዲያበርድልኝ ተማጽኜው ነበር ፡ የእርሱ መልስ ግን በዚህ ያሉ ማናቸውም ወደዚያ ፡ ወዲያ በሲኦል ውስጥ ያሉ ወደዚህ እረፍት ቦታ እንዳይመጡ በመካከል ታላቅ ገደል ተደርጎአል ብሎ መልሶልኛል፡፡ የሉቃስ ወንጌል 16 ቁ.19-31 ፡፡ ስለዚህም ዝክር እየዘከራችሁ ከሆነ ፣ ወይም በስሜ የምታደርጉት ነገር ካለ ለመዳኔ አንዳች አይፈይድምና አትልፉ!!!

·         ከዚያም እናንተ ወደዚህ ስቃይ ስፍራ እንዳትመጡ እውነቱን ይነግራችሁ ዘንድ አላዛርን ወደ ምድር ወደ እናንተ እንዲልከው ተማጽኜው ነበር፡፡ ይህንም ያደረኩት ፈጽሞ ልታስቡት የማትችሉት ፡ነገር ግን እውነት የሆነ በዚህ ስላለ ፤ ሰው ከሞት ተነስቶ ካልነገራችሁ በቀር ላታምኑ ትችላላችሁ በሚል ነው፡፡ ጻድቁ አባታችን አብርሐም ግን እዚያ ያሉትን ነቢያት ና ሙሴ / የወንጌል መስካሪዎችን / ይመኑ እንጂ ሰው ከሞት ተነስቶ ቢመሰክርላቸውም አያምኑም አለኝ፡፡ ስለዚህ እባካችሁ ወንጌል የሚነግሯችሁን ሰዎች አትናቁ! አውነት እነርሱ ጋር አለ፡፡ ከመሞታችሁ በፊት ምርጫችሁን አስተካክሉ፡፡ ምናልባት ሲኦል የሚያስገባችሁ መንገድ ላይ ከሆናችሁ ራሳችሁን  መርምሩ፡፡ እውነት የት እንደሆነ ፈልጉ፡፡ የሰው ይሉኝታ አይሰራችሁ፡፡ እዚህ ከመጣችሁ ስለእናንተ ማንም የሚሟገት የለም፡፡ በህይወት ሳላችሁ የመረጣችሁት ውሳኔ ነው የሚሰራው፡፡

·         በመጨረሻም የምጠይቃችሁ ነገር በተቻላችሁ መጠን ሁሉ ለዘመድ አዝማድ ፤ለጓደኞቻችሁ እና በዙሪያችሁ ላለ ህዝብ ሁሉ ይህንን እውነት አሳውቁ! ሁላችሁን እግዚአብሔር በክርስቶስ ኢየሱስ የሰራውን የዘላለም መዳን አምናችሁ ለመንግስቱ ያብቃችሁ፡፡

 '' የጭንቀት ቀን ሳይመጣ በጉብዝናህ ወራት ፈጣሪህን አስብ……አፈርም ወደ ነበረበት ምድር ሳይመለስ ነፍስም ወደ ሰጠው ወደ እግዚአብሔር ሳይመለስ ፈጣሪህን አስብ ፡፡ሰባኪው ከንቱ ከንቱ ሁሉ ከንቱ ነው ይላል፡፡''  መክብብ 12፡1 ና 6-8


 NOTE:- እባክዎ እውነትን አብረን እንመስክር !!መልዕክቱን ለሌሎች ይላኩላቸው፡፡

ስለ አዲሱ መድኃኒት ምን ያህል አውቀዋል?

አዲስ መድኀኒት !

በዓለም ላይ የተወሰኑ በሽታዎች እስካሁን በምርምር መድኃኒት ሊገኝላቸው አልቻለም ፡፡ በዚህ ምክንያት ቁጥራቸው ጥቂት የማይባሉ የዓለም ህዝቦች በስቃይና በእንግልት ላይ ይገኛሉ፡፡መድሐኒት የተገኘላቸውም በሽታዎች ቢሆኑ ከበሽታው ቶሎ አለመገኘት፣ ከመድሐኒት አወሰሳሰድ ችግር እና ጊዜያቸው ባለፈባቸው መድሐኒቶች ችግር የተፈለገውን ውጤት እያመጣ አይደለም፡፡

ከበሽታዎች ሁሉ በጣም የከፋው የነፍስ ህመም ነው፡፡ ምንም እንኩዋ መድሐኒቱ ከተገኘ የቆየ ቢሆንም ብዙዎቹ ባለመውሰደቸው ምክንያት እስካሁን በነፍሳቸው እንደታመሙ ናቸው፡፡በአሁኑ ወቅት  በዓለም ላይ 3.6 ቢሊዮን የሚሆነው ህዝብ ስለዚህ መድሐኒት አልሰማም ተብሎ ይገመታል፡፡ የመድሐኒት እጥረት የለም ፤ግን መድሐኒቱን የሚሰጥ እና የሚያስተዋውቅ ባለሙያ እጥረት አለ፡፡

  ነፍስን እስከወዲያኛው ስለሚያሰቃየው ና መንስኤ ስለሆነው ሐጢያት ታላቁ መጽሐፍ እንደዚህ ይላል'' በበደላችሁና በኀጢያታችሁ ሙታን ነበራችሁ፡፡ ኤፌ.2፡1 ደግሞ '' ሁሉ ሐጢያትን ሰርተዋል የእግዚአብሔርም ክብር ጎድሎአቸዋል'' ሮሜ.3፡23:: ይሁንና ለሐጢያት ደግሞ መድሐኒት ተገኝቶለታል፡፡ መድሐኒቱም ስለ እኛ የተሰቀለውና የሞተው ደግሞ የተነሳው  መድሐኒአለም ነው፡፡

የመድሐኒቱ አወሳሰድ

መጀመሪያ ሐጢያትን ሁሉ መናዘዝ ነው፡፡'' ኀጢያት የለብንም ብንል ራሳችንን እናስታለን፤ እውነትም በእኛ ውስጥ የለም ፡፡ በኀጢያታችን ብንናዘዝ ኃጢያታችንን ይቅር ሊለን ከአመጻም ሁሉ ሊያነጻን የታመነና ጻድቅ ነው፡፡ '' 1ዮሐ.1፡9፡፡ ሐጢያትን ሁሉ የሚያነጻ ደም በቀራንዮ መስቀል ላይ ፈሱአል፡፡ ታዲያ እርሶ ንስሐ ገብተዋልን?

በመቀጠልም ስለ እኛ የሞትውንና የተነሳውን መድሐኒት ክርስቶስን ማመን ነው፡፡ የመዳን ቀን አሁን ነው!